Оскем потэ

Удмурт Дунне
By Удмурт Дунне 29 января, 2013 12:22
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Оскем потэ

daraliЕгитъёсты толшор толэзе сессизы шуге-леке вуттэ. Нош толэзь пумын чиданзы уг тырмы ни, лэся — шутэтскемзы потэ. Со понна ик малпамын Татьяналэн нуналыз.

«Вера, вера, вера, Таня, одӥг кыл гинэ…» — берга йырын тодмо кырӟан чур. Удмурт Таняос — туж аспӧртэм адямиос. Огез кырӟась но политик, мукетыз филолог но чеберай, куинетӥез кылбурчи но выж миськись… Таняос уг кышкало сямзэс возьматыны. Кылсярысь, Дун-чылкыт Татьяна ик, студентъёслэн юрттӥсьсы, Римын узыр семьяын вордскыса, христиан осконэз понна гань-гань улонлэсь палэнскиз — йырзэ быдтыны сётӥз…

Удмуртъёс осконзы понна бырыны дась ӧвӧл на. Куке но Петыр Палган вераз, «удмурт музъем вылын ужаны секыт — татын зэмос фанатикъёс ӧвӧл». Таин мон соглаш. Кыӵе фанатизм! Берпуметӥ «фанатикъёс» 1937-тӥ арын туздыртэмын вал. Озьы ке но, оскон уг быры. Яркыт пушъетъёсыз вань! Удмурт кылэ «Вуж сӥзён» берыктэмын. Таӵе ужез сюлэмад зэмос осконэн улыса гинэ быдэстыны вормод. Ижын удмурт песянайлы синпелет пуктозы. Туала удмуртъёс Инмарлы уг вӧсясько — соос оско Брангурт песянайёслы. Нош Кечол гуртысь «Кечол ӝытъёс» ас выжыкылзэс вордо: сопалась егитъёс оско, городысь вуэм кизилиос гуртысь юисьёсты эмъяны быгатозы шуыса. Гуртазы Уллапала Бой вуиз ке, курегъёс тросгес кукей пузалозы, нош Ваня Белослудцев ке пыдзэ лёгиз — куазь вить градуслы шуныт кариськоз, тулыс вуоз.

Ваньмыз возиське оскон вылын. Арлэн кутсконэз кылбуран толэзьлы пӧрмиз. Егит чуръясьёс оскизы: соос тыро-пыдо кылбурчиос. Таиз понна тау шуоно эрико «Удмурт КЫЛБУРЧИ» но «Ваньмон дыр» вотэсбамъёслы — татын огыр-бугыр литература улон вордске. Кык арня куспын ог вить кылбур ӝыт но презентация ортчиз!

Эшшо оскем потэ на, «Дарт» газетмы тӥледлы кельше шуыса. Угось уг ке кельшы, Эрик Батуев нимо премилэсь егит журналистлы сётэм люкетсэ басьтыны возьыт луысал. Оскем потэ, толшор толэзьлэн пытьыосыз — выль дуннее сюресмы. Мон, кылсярысь, планшет басьтӥ — табере со пытьыосты туспуктыны но Интернетэ куштыны быгатӥсько. Быдэс дуннелы адӟымон. Пичи пиналлы выль шудон сюриз! Арлэн кутсконэз тунсыко.

Дарали Лели

Удмурт Дунне
By Удмурт Дунне 29 января, 2013 12:22
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<