Матэктэ Сочи

Удмурт Дунне
By Удмурт Дунне 23 января, 2013 10:51

Матэктэ Сочи

sochi-2014Сочиын ортчоно Олимпиадалы быдэс Россия дасяське. Олимпиадалэн тылыз Россиетӥ 123 нунал куспын (туэ 7-тӥ октябрьысен вуоно арын 7-тӥ февралёзь) 65 сюрс иськемез ортчыны кулэ, сое 14 сюрс факелоносецъёс но 30 сюрс пала волонтёръёс нуозы.

Олимпиадае Россиын мыныны мылкыд карисьёс билет басьтон сярысь сюлмасько ни. Россиысь ивор вӧлмытӥсь каналъёс верамъя, тужгес дуно луоз воргоронъёслэн хоккеен шудонъя финалазы шедён — билет 40 сюрс манет пала сылоз, нош тужгес дунтэмез — нылкышноослэн салазкиен нискыланъя финалазы шедён — 1 сюрс манет.

Конькиен нискыласьёсты учкон 1 сюрс но ӝыны манетысен 23 сюрс манетозь дунъяське. Та шудонъёс дыръя Олимпийской парке шедён 200 манет тыр сылоз. Россиысь но дуннеысь спортэн тунсыкъяськисьёслы билет вузаны шуд усиз Германиысь Eventim агентстволы. Билетъёс вузаськозы www.tickets.sochi2014.com сайт пыр.

Билет борды «болельщиклэн паспортэз» сётӥськоз. Таӵе амалэз уже кутоно луэ, билетъёсын лушкем вуз карыса коньдон поттӥсьёслэсь лыдзэс кулэстон вылысь. Кылзӥськисьтэмъёсты 1 миллион манетозь штраф вите.

Валентина Емельянова

 

Удмурт Дунне
By Удмурт Дунне 23 января, 2013 10:51
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<