Кыкетӥ шумпотон

Удмурт Дунне
By Удмурт Дунне 8 января, 2013 16:33

Кыкетӥ шумпотон

Тузӥ панда

Магазинысь котьмае шедьтыны-басьтыны быгатӥськомы ке но, киын быдэстэм арбери трослы шунытгес-матынгес. Со сяна, вужмем дӥсьмылы кыкетӥ улон сётыны луонлык вань. Озьыен, басьтӥськиськом качы но вень борды!

Джинс шобрет
Нуллыны ярантэм джинс штаниос котькуд семьяын лачак люкасько. Соослэсь туж аспӧртэмлыко шобрет кылдытыны луоз. Со понна штаниосты огкадь юдэсъёслы — квадратъёслы — вандылоно. Соосты ог-огзы борды вурӟылоно. Макем пӧртэмгес буёло луозы джинс штаниосты — сокем чебергес пӧрмоз шобрет. Пусйыны кулэ: штани кукъёсты гинэ ӧвӧл, кус, мышпал котыръёсты но кутоно — озьы шобрет эшшо но учкымонгес пӧрмоз. Но эн вунэтэ: джинс басмаез вурыны сокем ик капчи ӧвӧл, соин ик вуриськон машинаяды пуктэ зӧк вуриськон вень.

Табере дасяно лякиё шобретлэсь ул кыскетсэ. Со понна кутыны быгатоды шуныт флисэз — со миськыса уг пуксьы, шобретты уз кыстӥськы. Джинс шобреттэс дуртӥз флис борды вурӟе — одӥг дурзэ ог 20-30 сантиметр пала вурӟытэк кельтэ. Ӵапак со инты кулэ луоз шобреттэс азьдорин берыктыны. Тае лэсьтэм бере вурӟытэк кельтэм интызэ вылласянь адсконтэм вурӟе. Аспӧртэм шобрет дась.

Тузӥ панда
Яратоно кофтады нуллыны ярантэм луиз? Эн сюлмаське — солэсь пӧрмытыны быгатоды пиналдылы «Панда» шапка. Нылпидылэсь йыр котырзэ мерталэ. Потэм лыдпус бордысь куштэ ог 4 сантиметрзэ — кофтадылэсь собыдӟа ик юдэссэ вандэ: сое вурысэн герӟалэ — со шапкалэн котырыз луоз. Пумзэ вурӟыса йылсалэ. Лыдэ басьтэ шапкадылэсь ӝуждалазэ но. Пӧрмыны кулэ прямоугольник. Шапкалэн йылысьтыз сэрегъёссэ чепыльтыса вуре. Изьы шунытгес мед луоз шуыса, солэн пушпалаз кыскет вуре.

Йыре понондэс азьдорин берыктэ — со дась ини, шуыны луоз. Табере басьтӥськоно сое чеберъян борды. Шапкалэн урдэсъёсаз бырттэ пуштрес пӧйшурлэсь кузэ-юдэссэ: та луоз пандалэн пельёсыз. Вурӟоно на калъёс — таосыз пельпум вылэ мед ошиськозы. Пандалэсь ымнырзэ-нырзэ пӧрмытоды, зӧк сӥньысэн-шортэн пужыятыса. Шапка дась!

Удмурт Дунне
By Удмурт Дунне 8 января, 2013 16:33
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<