2 секунд куспын кылдэм суредъёс

Шри Чинмойлэн тылобурдоосыз

Туннэ Галереяын Шри Чинмойлэн адӟытонэз усьтӥськиз.

Инди выжыысь америка суредась Шри Чинмой (1937 — 2007), улытозяз 200 000 картина но тылобурдоослы сӥзем 14 миллион суред кылдытэм. Аслэсьтыз искусствозэ со «Джарна-Кала» («Фонтан-Искусство») шуыса нимам.

Джарна-Кала туж ӝог пӧрме. Туж бадӟым картина 1-2 час куспын кылдэ, нош пичиез — кык секундскын. Суредъёсыз авторучкаен, пероен но фломастерен суредамын. Шри Чинмой векчи чыры-пырыос бордын ужаны тыршымтэ. Суредамзэ со ноку но уг тупаты вылэм. Со тылобурдоосты суреданы яратэм, малы ке шуоно, инмысь тылобурдоос адямилэсь эрико лулзэ тодэ вайыто.
Адӟытон кыстӥськоз 3-тӥ тулыспалозь. Пыронэз дунтэк.