Гурт улонэз югдытӥсьёс

Удмурт Дунне
By Удмурт Дунне 18 января, 2013 17:02

Гурт улонэз югдытӥсьёс

kiyasa

М. Морякова

Кылем арын декабрь толэзе 15 ар тырмиз Кияса ёросысь Вуж Салья гуртысь «Нылкышно шуд» огазеяськонлы. Та клубен кылдэмез дырысен быгатыса кивалтэ Марина Морякова.

15 ар ӵоже трос уж лэсьтэмын ни. Нылкышноос гуртысь пӧртэм шуг-секытъёсты сэртто-пертчо, трос ныло-пиё но ёрмись семьяослы юртто. Огинэ люкаськыса, киужъёссэс мыто, шара лыдӟиськонъёс ортчытъяло. Асьсэ куспын «Тайвади» но «Бӧляк» ансамбльёс кылдытӥзы.
Огазеяськонлы 15 ар тырмонэн шунытэсь кырӟанъёсын но кылбуръёсын ӟечкылазы Вуж Салья шор ёзо школаысь но нылпи садысь пиналъёс.

Ёрос администрациысь егитъёсын ужан понна кыл кутӥсь Ольга Танаева, гитаразэ кияз кутыса, аслэсьтыз кырӟанзэ быдэстӥз.

Нылкышноос синмаськымон ужало гуртысь семьяосын. Соосын турлы ужрадъёс ортчытъяло. Таяз радэ данъязы азвесь но зарни сюанзэс пусъем дано семьяосты —  Парфёновъёсты  но Поляковъёсты.
Ужрадлэн мукет люкетэз сӥземын вал Марина Моряковалэн лыдӟись кие вуэм «Сальяе — вордӥськем гуртэ» кылбур бичетэныз тодматсконлы.  Книга поттэмын Кияса ёрос библиотекаын.

Бичетэ авторлэн 40-лэсь ятыр кылбуръёсыз пыртэмын. Книгалэн пуштросэныз тодматӥз гуртысь библиотекарь Наталья Пелагина. Собере кыл сётӥзы кылбурчилы. Марина Исаковна вордскем гуртэзлы но анай-атаезлы сӥзем чуръёссэ лыдӟиз. Вакчияк аслаз улэм-вылэмез сярысь мадиз. Со егит дырысеныз ини кылбуръёсын тунсыкъяське, удмурт но ӟуч кылын гожъяське. Одӥгез ӟуч кылбурез кырӟанлы пӧрмемын ни, крезьгурзэ гожтэм Кияса ёросысь ик крезьгурчи Александр Кунгуров.

***
Вуж Салья гуртын улӥсь нылкышноос сярысь сюлэмшугме но шумпотэмме вераме потэ. клубзы кезьыт ке но (со пулэсь лэсьтэмын, вуж ни, эстыса но отын шуныт уг луы), нылкышноос вылӥ кивалтӥсьёс дортӥ ӝожтӥськыса уг ветло, асьсэлэсь мытэм ужзэс аръёсын ини кыштыр гинэ азинто.

Любовь Тихонова

Удмурт Дунне
By Удмурт Дунне 18 января, 2013 17:02
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<