Котьку тодмотэм удмуртъёс

Удмурт Дунне
By Удмурт Дунне 24 января, 2013 13:17
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Котьку тодмотэм удмуртъёс

Артемий Троицкий. Йырпорымон!

Артемий Троицкий. Йырпорымон!

Толон, 23-тӥ толшоре, Евгений Бикузин но Елена Касимова «Удмуртская неизвестность» стрит-арт адӟытонзэс усьтӥзы.

«Дано удмурт» луэм тодмо муртъёслэн портретъёссы трафарет пыр, пӧртэм техникаез кутыса, суредамын.
Ужрадэз усьтыкуз, Елена Касимова пусйиз, стрит-арт — огшоры борддоръёсты саптан ӧвӧл. Адӟытонэ поттэм суредъёс пӧлысь со висъяз Сергей Курёхинлэсь портретсэ, со йырин-чукин, губи формаен суредамын. Евгений Бикузинлы тужгес но кельшо англи крезьгурчиен Джон Леннонэн но режиссёрен Эмир Кустурицаен суредъёсыз. Леннонэз суредан понна Женя классика амалэз кутэм ке, серб режиссёрлэсь портретсэ аспӧртэмлыко техникаен кылдытэм ини.

Котькуд суред борды удмурт кылын кыӵе ке тунсыко валэктон гожтэмын. Кылсярысь, Артемий Троицкийлэн портретэз «Йырпорымон» нимамын. Таиз выль удмурт кыл, валэктэ, Женя, — ӟуч кылысь «офигенно» шуэмез возьматэ.

Ӝытэз азьланьтӥз тодмо поэт Владимир Горохов, со аслэсьтыз лэчыт но вакчи кылбуръёссэ лыдӟиз. Со пусйиз, 55 городэ вуылӥз ини, туж шумпотэ Ижкарен тодматскемезлы.

Та адӟытонэ трос калык вуиз. Ижын улӥсьёс понна удмурт калык котьку сямен тунсыко но тодмотэм. Одӥгез егит пияш шуиз, удмуртъёсты аслыз усьтон понна тодосчилэсь Владимир OLYMPUS DIGITAL CAMERAВладыкинлэсь «Религиозно-мифологическая картина мира удмуртов» книгазэ али бадӟым тунсыкен лыдӟе.

Удмуртъёслэн тодмотэм луэмзылы сӥзем адӟытон «Известия Удмуртской Республики» газетлэн галереяяз 15-тӥ тулыспалозь возиськоз. Пыронэз дунтэм.

Удмурт Дунне
By Удмурт Дунне 24 января, 2013 13:17
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<