Город — йырын, гурт — сюлэмын?

Удмурт Дунне
By Удмурт Дунне 29 января, 2013 10:49

Дышетскон арлэн ӝыныез ортчиз ини. Мынам тодэме потӥз: кыӵе мылкыдзы кылдӥз 1-тӥ курсысь студентъёслэн Ижкарын улонзэс мытэмзы бере? Быдэсмо-а соослэн малпанъёссы, нош мар соосты тужгес но зол паймытэ?

Ирина Перевозчикова, УдГУ:
— Гуртын но городын улонлэн туж бадӟым пӧртэмлыксы. Гуртын тынад анаед, ӵыжы-выжыосыд вӧзад, нош городын соос ӧвӧл. Но городын улон мыным кельше, малы ке шуоно татын шедьтӥ выль эшъёс, соос туж тунсыкоесь, шулдыресь. Шуо: выль дышетӥсьёслы кема дышоно. Нош мыным потэ, мон соос борды дыши ини. Студентлэн улонэз капчи ӧвӧл ке но, та дырез вунонтэм, шулдыр ортчытоно. Городэ вуыса, мон троссэ выль сямен дунъяй: ачид понна кыл кутӥськод, валаны кутскиськод, кызьы дорлэсь палэнын улыны…

Мария Загумённова, ИжГТУ:
— Гуртын улыкум, туж потэ вал городэ кошкеме. Татчы вуи но — гуртэлэсь мӧзмыны кутски! Та бадӟым но валантэм городысь сюлэмы кыске муспотон дор палъёсам. Городын нырысь ик адямиослэсь курдасько вал. Зэмос эш шедьтыны туала вакытэ туж секыт, малпасько. Но мон шумпотыса вераны быгатӥсько: мыным удалтӥз — туж умой эш шедьтӥ, городэ улыны выжыса. Тау шуэме потэ гурт школаысьтым дышетӥсьёсылы, малы ке шуоно соослэн тыршемзылы луыса мон капчиен дышетскисько, адямиосын одӥг кыл шедьтӥсько.

Анна Загумённова

Удмурт Дунне
By Удмурт Дунне 29 января, 2013 10:49
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<