Герд ӧвӧл Обама

Удмурт Дунне
By Удмурт Дунне 16 января, 2013 15:16
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Герд ӧвӧл Обама

gerd-ne-obamaКузебай Гердлы сӥзем кылбур лыдӟонъёс ортчытӥзы «Удмурт дунне» газет но vanmondyr.ru вотэсысь кылбурчиос. Егитъёс ог-огенызы ӟечгес тодматскизы.

Ӝытлэн нимыз тунсыко учырен герӟаськемын.  Интернетын кин ке Кузебай Гердлэсь фотозэ адӟыса, кылбурчимес США-лэн президентэныз Барак Обамаен сурам. (Обама но егит дыръяз кылбур гожъя вылэм. Удмурт кылэ берыктэмъёссэ «Инвожо» журналлэн сайтысьтыз лыдӟыны быгатоды.)

Та ӝытэ кылбурзэс лыдӟизы Дарья Шиляева, Богдан Анфиногенов, Лиля Юртаева, Ксения Евсеева, Наталья Клабукова, Мария Векшина.

Кузебай Герд шумпотысал, дыр, таӵе пумиськон понна. Умой, шуныт диалог пӧрмиз. Мария Векшина ӝытэз капчи нуиз, тунсыко юанъёс сётъяз. Нош кыӵе  Богдан Анфиногеновлэн планъёсыз, кӧня егит гожъяськись книга поттӥз ини, кин гожтӥз СТОЗ-лы ода но мукетыз сярысь тододы газетмылэн ИнГОЖ приложениосысьтыз вуоно арняе!

Туспуктӥз Мария Золотарёва

Удмурт Дунне
By Удмурт Дунне 16 января, 2013 15:16