Дунъямын Ленаос

Удмурт Дунне
By Удмурт Дунне 23 января, 2013 20:32
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Дунъямын Ленаос

Е. Слесарева

Е. Слесарева

Туннэ ӝытпал люкаськылиз Эрик Батуев нимо премиез сётонъя комиссия. Кызьы тодмо, 2011-тӥ арын сое кылдытӥз «Удмурт Кенеш» огазеяськон но Улосэз азинтонъя институт. Премия сётӥське арлы быдэ одӥг пол журналистика удысысь тужгес устоосызлы. Быдӟалаез 20 сюрс манет. 2011-тӥ ар понна Э.Батуев нимо премилэн лауреатъёсыз луизы Георгий Грязев, Анастасия Гребина, Вероника Ваулина. Егитъёсын ужанъя министерстволэсь спецприззэ басьтӥз Елена Федорова (Сараматова).

Туэ конкурсэ вуизы 12 муртлэн ужъёсыз. Шумпотымон, валтӥсь газетъёсысь журналистъёс сяна пыриськизы ёросъёсысь иворчиос, одӥг дышетись но одӥг студентка. Премилэсь данзэ вылӥын возён но коньдонзэ пыргытонтэм вылысь туэ кенешемын вал премиез люкытэк, кудзэ ке одӥгзэ тужгес устозэ журналистэз бырйыны. Комиссия огкылысь дурбасьтӥз Елена Слесаревалы!

Елена Слесарева — «Мынам Удмуртие» телеканалысь тодмо журналист. 2002-тӥ арысен эфире потазы «Улон сюресъёс» циклэз. 2008-тӥ арысен лэсьтэ «Малы ке шуоно…» программа. Отӥяз басьтӥське «Кинъёс ми» цикл борды. Ӵош ужась эшъёсыныз Лена лэсьтӥз Мултан уж, СОФИН уж, Трокай Борисов сярысь усто ужъёс. Ӵапак СоФИН уж сярысь фильм ик ӵектэмын вал конкурсэ.

Со сяна, та премиез сётонэ мыло-кыдо пыриське Егитъёсын ужанъя министерство. Со висъя нимысьтыз приз. Туэ сыӵе шуд усиз Елена Петровалы. Лыдӟисьёслы со тодмо Дарали Лели нимын. Егит журналистэз пусйизы «Удмурт дуннелэсь» егитъёслы сӥзем «Дарт» ватсэтсэ дасямез но тунсыко материалъёс гожъямез понна.

Асьсэлэсь приззэс усточиос басьтыны быгатозы ни таяз пятницае, 25-тӥ толшоре Удмуртиысь иворчиос люкасько асьсэлэсь удыс праздниксэс пусйыны (со вал 13-тӥ январе). Но, кызьы тодмо луиз, Елена Слесарева та нуналэ кузьымлы лыктыны уз быгаты, малы ке шуоно со …тэле кошкемын! Журналист отын дася пойшурась сярысь фильм. Молодец — «первым делом – самолёты», а конверт возьмалоз.

Зинаида Рябинина

Туспуктэмез: mintrud.udmurt.ru

Удмурт Дунне
By Удмурт Дунне 23 января, 2013 20:32
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<