Жадисьтэм мурт уг йыромы

Удмурт Дунне
By Удмурт Дунне 13 декабря, 2012 16:03

Жадисьтэм мурт уг йыромы

Дэбес ёросысь Удмурт Льӧм гуртын вордскем Сергей Косарев ноку ӧз малпалля город пала шонтыны. Сое котьку бордаз кыскылӥз гуртын нясь-нясь улон.

Тыршись мурт татын ассэ одно шедьтоз, уз йыромы, оскылӥз со.
Школаез йылпумъямез бере Сергей Александрович вамыштӥз Ижысь гурт удысъя академие. Сое йылпумъямез бере ик оскизы вордскем гуртысьтыз фермаен кивалтыны. Куинь ар ортчыса, со Калинин нимо СПК-ын валтӥсь зооотехник луиз ни.

Сергей Косаревлэн нимыз соку ик быдэс районлы тодмо луиз: йӧн-йӧн, ас удыссэ ӟеч шӧдӥсь-валась, выль ужъёс борды ӝабырскыны уг кышка. Калинин нимо хозяйство ӟеч выжы пудо вордон борды гижысь-пиньысь басьтӥськиз, та ужын аслаз интыез вал валтӥсь зоотехниклэн.
Туэ тулыс Сергей Александровичез Зар-Медло гурт администрацилы йыре бырйизы.

— Кызьы выль азе вуи, ачим но умой-умой валаса ӧй вутты на, — шуэ со. — Но интыын лёгаськыса сылыны дыр ӧвӧл, табере мынам сюлмаськоно гурт калыке сярысь. Кутском, малпасько, сюресъёсты тупатон бордысен. Дасяськоно ни Выль ар праздникъёслы, соосты но ӵошен, одӥг мылкыдын пумитано.
Кивалтӥсь туж данъяське аспалъёсыныз, соос зӥбытэсь, усьтэм сюлмоесь, ужлэсь кышкасьтэмесь, соосын ӵош ужаны каньыл, пе. Нош калык гажа Сергей Александровичез ваньмыныз огкыл шедьтыны быгатэмез понна.

Сергей Косарев ӟеч кузпал, атай. Жин-жин корка пуктӥз. Нылыз но пиез быдэ вуизы ни. Ваньмон дыръяз туж яратэ чорыганы. Бакча, пудо котырын берга — уг жадьы. Сотэк гуртын улӥсь уд луы, шуэ.

Элина Васильева

 

Удмурт Дунне
By Удмурт Дунне 13 декабря, 2012 16:03