Яг бабушъёс доры куное

Удмурт Дунне
By Удмурт Дунне 26 декабря, 2012 16:38
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Яг бабушъёс доры куное

Выль ар азьын ми, покчи классъёсысь пиналъёс, вуылӥмы Грак районысь Яга-Какси гуртэ. Миленым ӵош ветлӥзы дышетӥсьёсмы Марина Александровна Тарасова, Лариса Григорьевна Моисеева но Наталья Демьяновна Бигбашева. Нырысь ик милемыз музее пыртазы, веразы Ашальчи Оки (Акулина Григорьевна Векшина) сярысь. Со вордӥськем Грак районысь Кузёбай гуртын.

Музейысь потыса, кошкимы Яг бабушлэн улон караз, нюлэскы. Отын кион вузэм кура кылӥське, ӵаштыртэ, дыбыртэ. Азямы бызьыса шубаосын дӥсяськем кык нюлэс кузёос потӥзы. Ми куалектӥмы, но одӥгмы но ӧм пегӟелэ. Соос милемыз поттӥзы пичи шур вамен туж сюбег выж вылтӥ пичи корка доры. Отысен адӟимы нырысетӥ удмурт Яг бабушез, со ассэ Убир Аби шуиз.

Со милемыз кышкатыны турттэ вал, собере мынектӥз но йыраз корона понӥз — Лымы ныллы пӧрмытскиз. Удмурт сямен тол сярысь чебер кырӟаз. Милемыз ваньместы тыл дуре ӧтиз но пӧртмаськиз: «Осто Инмаре, Осто Инмаре тылдэ вылӥе ӝут, ӵындэ бугырты но милемлы Яг бабушлэсь улон интызэ возьматы». Кытчы ӵын возьматӥз милемлы отчы ик мыноно шуизы.

Убир Аби милям автобусамы пуксиз но кырӟаны косӥз. Ми солы лымы тӧдьы кырӟанэз быдэстӥмы, собере суредъёсмес кузьмамы. Со туж шумпотӥз. Ӝоген вуимы Яг бабушлэн резиденцияз. Ми азе потӥзы Убир Абилэн эшъёсыз. Милемлы соос мадиськонъёс веразы, частушкаос кырӟазы.

Собере нуизы Яг бабушлэн улон коркаез доры. Ми пӧртмо кылъёс верамы: «Корка, корка берытскы, ми пала ӧсэныд, нош нюлэс пала укноеныд кариськы». Корка соку ик интыысьтыз вырӟиз. Отысь потӥз кӧшкемыт, пеймыт дӥсен пересь Яг бабуш. Солэн нырыз кырыж, конгро, бамаз сьӧд меньёсыз вань, йырсиез пурӟемын, кышетэз тумошо думемын. Нырысь со туж зол керӟегъяськиз, солы люкетӥмы шуыса. Собере буйгаз, аслаз эшъёсыныз концерт возьматӥз. Кырӟазы но, эктӥзы но, нюлэс кузёоос барабанэн шудӥзы. Собере ми Тол бабаез но Лымы нылэз ӧтимы. Соос валэн лыктӥзы. Ми кырӟан кырӟамы, кылбур верамы, чеберъям кыз котыртӥ бергамы, шудӥмы, эктӥмы.

Пырамы на Яг бубушлэн резиденцияз, со мудрон пужыен чеберъямын. Отын милемыз ёлка шудон лэсьтыны дышетӥзы. Вал батырлэн сэрегез но. Ми отысь мечъёс, щитъёс, дубинаос но булаваос адӟимы.
Собере милемыз валэн ворттылытӥзы на. Яг бабушъёс милемлы Тол бабайлэсь но Лымы ныллэсь кузьымъёссэ сётказы. Милемлы Яг бабушъёс дорын туж кельшиз.

Вика Бигбашева,
Оля Попова,
Рома Сажин,
Володя Смирнов,
Алнаш ёросысь Чем-Куюк школаысь
3-тӥ классын дышетскисьёс

Туспуктӥз Ольга Матвийчук

Удмурт Дунне
By Удмурт Дунне 26 декабря, 2012 16:38
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<