Выль шӧдон

Удмурт Дунне
By Удмурт Дунне 27 декабря, 2012 18:44
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Выль шӧдон

Испаниын фестивальын

2-тӥ курсын дышетскись студент Иван Белослудцев удмурт кырӟасьёс пӧлын туэ выль кизили сямен воректӥз. Мае со возьма меда вуоно арлэсь?

— Февраль котырын ми (IB&4CHP группа) крезьгур альбом поттыны малпаськом, — аслэсьтыз шумпотонзэ уг ваты Ваня. Коньдонэн гинэ мед пӧрмоз! Али мон валай, ваньмыз коньдон борды кугӟаське шуыса. Зэмос творчество борды басьтӥськиськод ке, трос уксё кулэ.

Бен, атае монэ бурдъяз крезьгурчи луыны. – Мын, пие, мын, шуиз, — дышетскы культпросветучилищеын. Солэн аслаз сыӵе льӧль малпанэз быдэсмымтэ, Глазовысь «техасын» (техникумын) дышетскиз. Мон лулчеберетъя колледже пыри, отын сыӵе ик ӧз кельшы. Удмурт кылосбур факультетэ мынӥ, тодӥсь муртъёс но выль азинсконъёс басьтод шуыса оскытӥзы. Факультетын дышетскыкум ини ваньмыз кутскиз. Азьвыл ватӥсько вал, удмурт луисько шуыса. Нош али валай, мон — удмурт адями, мыным кельше удмурт кылын вераськыны, гожъяськыны. Кылбуръёс, кырӟанъёс гожъяны кутски, Интернет пыр соос вӧлмизы, кылзӥсьёслы тунсыко потӥзы. (Ванялэн тросэз кырӟанъёсыз пуштросэзъя балладаослы тупало, шудтэм яратонлы сӥземын — Д.Л.)

— Испание ветлэмед бере, тон воштӥськид-а?
— Мон будӥ. Испание ветлытозь, мыным та ваньмыз шудон кадь потэ вал, группамы но любительской кадь гинэ. Нош бадӟым фестивальын валай, ми – дась, быдэ вуэм проект. Соку одӥг гинэ малпанэн улӥ: ми Удмуртиез возьматӥськом. Со номырин ӵошатонтэм выль шӧдон вал мон понна. Соку аслым ачим осконэ будӥз.

— Астэ музыкант шуыны быгатӥськод-а?
Бен, пумен асме музыкант шуыса шӧдӥсько ини. Но та ваньмыз нырысетӥ вамышъёс гинэ ай, ваньмыз азьпалан. Ужано трос, одно ик ваньмыз умой пӧрмоз.

Лариса Дмитриева

Удмурт Дунне
By Удмурт Дунне 27 декабря, 2012 18:44
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<