Улэп гын

Удмурт Дунне
By Удмурт Дунне 5 декабря, 2012 13:39
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Улэп гын

К. Вахрушева

Ижысь Клавдия Вахрушева киужен вырон борды рос-прос басьтӥськиз, шуыны луоз, кыко ар талэсь азьло гинэ. Нош макем мусоесь, чебересь но паймымонэсь пӧрмо мунёосыз, шудонъёсыз, пичи кузьымъёсыз. Матэктӥсь Выль ар праздник азьын солэсь адӟем карыны луоз.

Синпельлы пичиесь гын сапегъёс лэсьтон сярысь малпанэныз Клавдия Вахрушева лавкаын пумиськиз. Син шораз йӧтӥз пичиен-пичиен вузаськись ыж гон. 100 граммез сылэ 25 манет. Дораз бертӥз но картонлэсь вандӥз сапеглы укшась макет. Ӝӧк вылаз вализ клёнка.

Макетсэ отчы понӥз. Картон вылэ нырысь кузяз, собере пасьталаяз векчи вӧлдӥз гонэз. Ваньзэ шобыртӥз пӧсь вуэн коттэм тюль юдэсэн. Со юдэс вылтӥ ик ыж гонзэ маялляны-гындыны кутскиз. Тюльзэ кӧня ке пол пӧсь вуэн коттӥз на. Я, гынмиз кадь. Но картонлэн мукет палыз вань на. Сопалзэ но тазьы ик кариз. Лошъяськись гонъёсты, вылысьтыз-вылаз куасалтыса, маялляз. Табере сапеглэсь нырзэ котырес кароно. Со понна пушказ небыт бумага тыриз но ыж гонзэ нош ик гындӥз на. Синмаськымон пӧрмиз. Эшшо ке дуръёссэ пужыятӥз на. Пушказ канфет пон но нуныкаедлы кузьма.

Дуно басмаос шоры Клавдия Вахрушева уг мертаськы. Сюлмысь лэсьтӥд ке, огшоры арбериос киосад одно улӟозы, шуэ. Кылсярысь, кый небыт шудонэн озьы луиз. Басмаез вандӥз, вуриз, быж дортӥз пась кельтыса. Ӵапак со пасе вата туйылӥз, ез понӥз. Со ез юрттэ кыйлэсь мугорзэ куасалляськись карыны. Синъёс интые бирдыос дэмӟытӥз. Но туала арын киужен вырыны мылкыд карисьёс нимысьтыз «синъёсты» но шедьтозы ни — ваньмыз вузаське.

Нош удмурт воргоронзэ синтепонлэсь вуриз. Ымныраз, киосаз-пыдъёсаз улэп муртлэн кадь тус пыртон понна мугор люкетъёсты шобыртӥз капронэн. Собере гинэ синъёс, ым но ныр вурылӥз. Удмурт дэрем пӧрмытӥз ӵушконлэсь — туала арын со олокызьы но буямын ни.
Мылыд гинэ мед потоз, котькуд ужез вормод. Мынэсьтым выремме адӟыса, нуныкайёсы но котырам кыстӥсько, шудон лэсьтыны ӵошен дышетскиськом, шуэ Клавдия Вахрушева.

Елена Сараматова

Туспуктӥз Владимир Беломорских

Удмурт Дунне
By Удмурт Дунне 5 декабря, 2012 13:39
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<