Шор Уралын — фин-угор гуръёс

Удмурт Дунне
By Удмурт Дунне 12 декабря, 2012 09:38
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Шор Уралын — фин-угор гуръёс

Удмуртъёс дышетӥзы калык шудонъёссылы.

Свердловск улос

Ноябрь пумын Екатеринбургын нош ик ортчиз «Уралысь финно-угрия» фестиваль.

Свердловск улосысь Культурая министерство юрттэмъя но Калык творчествоя юртлэн кичӧлтэмезъя та ужрад ньылетӥзэ люкаськиз. Таяз радэ отчы 140-лэсь уно пыриськись луиз.

Куноос вуизы Марий Эл, Башкортостан, Удмуртиысь, Тюмень но Свердловск улосъёсысь.

Фестиваль усьтӥськиз шулдыр калык шудонъёсын. Удмуртъёслэн «Азвесь гур» коллективазы ветлӥсьёс кӧня ке шудонэ куноосты ӧтизы. Арган гур улсын фестивале пыриськисьёс вожвылъяськизы эктыса но. Озьы ик асьсэ калык кырӟан-эктонъёсынызы тодматӥзы поръёс, хантъёс, мокшаос но эрзяос.

Учкисьёс понна таяз радэ бадӟым кузьым луиз Мордовиысь вуэм «Умарина» ансамбль. Соослэн яркыт дӥсьсылы но, сцена вылын асьсэды быгатыса возьматэмзылы но синмаськытэк нокызьы уд кыльы. Котькуд номерзэс калык кужмо кичабонъёсын пумитаз.

Вуоно арын Шор Уралын улӥсь фин-угоръёс люкаськозы витетӥ фестивалязы. Соин котырес лыдпусо ужрадэз уката яркыт но сюлэме кыльымон ортчытыны кулэ.

Марина Ягуткина

Удмурт Дунне
By Удмурт Дунне 12 декабря, 2012 09:38