Шаплы Яша агай

Удмурт Дунне
By Удмурт Дунне 13 декабря, 2012 16:05
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Шаплы Яша агай

Пичи Пурга ёросысь Улын Юри гуртын адӟем карымон луо арлыдоос. Колхоз кивалтӥсьлэн бызьылонъёсыз тырмыт бере, троссэ ужъёсты ас вылаз басьтэ гурт кенеш. Кивалтэ соин Яков Парамонович Петров.

Кин ке вордӥськиз, кин ке улонысь кошкиз, кинэ ке ӟечкылано я кылзэс юано — вань ужпумъёсъя калык вазиське гурт тӧролы — старосталы.

Калык оскиз бере, отчы но, татчы но вуттӥськоно. Соиз паймымон, ужамез понна уждун уг тыриськы, со — общественной уж. Кин луэмзэ веракуз, Яков Парамоновичлы тросэз паймо — уг тодо, кин со староста, мар ужез со быдэсъя. Огырчиысь эшъёсыз нош воксё но муллаен ӵошато.

Азьвыл аръёсы гурт радио пыр котькыӵе иворез вераны луэ вал. Езъёсты вандылэмен, сыӵе луонлык быриз. Табере тулыс пастухе пудоез поттон, субботник радъян но трос мукет ужпумъёсты сэртто-пертчо, сходъёсы люкаськыса. Улын Юриын тямыс урам ке, котькудӥзлэн аслаз юнматэм-оскем адямиез вань. Тӥни озьы кенешыса уло но ужало.

Туэ сӥзьыл кисьтонлы шайвылэ жон-жон корка ӝутӥзы. Маин ӵупом шуыса, паймыса ӧз улэ, октӥзы-калтӥзы шайвылысь но артэ нюлэскысь куасьмыны кутскем кызъёсыз. Ӝутэм коркаез вӧсятӥзы. Пушказ оброс понӥзы. Гуртысь ужбергатӥсьёс юрттыса, басьтӥзы тӥръёс, гозыос, лопатаос. Гу гудӥсьёслы толзэ шуныт мед луоз шуыса, алигес корт гур пуктӥзы. Ваньмыз понна бызьылэ но турттэ гурт староста — Яша агай.

Трос аръёс ӵоже со «Удмурт кенеш» огазеяськонлэн ёзчиез луэ. Та уже но йӧно воргорон мылысь-кыдысь пыриське. Туэ гужем Яша агай 70 арессэ тырмытћз ни, но арлыдыз сое уг сермета. Вӧзаз котьку но юрттӥське кузпалыз — Хрестинья Михайловна. Та семьяын вань ужгур пӧзе. Дорысьтызы нунал пӧрат пырась-потасез уг бырылы. Кузёос котькудӥзлы ӟеч кыл но, дыр но шедьто.

Нина Шутова

Удмурт Дунне
By Удмурт Дунне 13 декабря, 2012 16:05
Write a comment

2 комментария

View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<