Починкаос — шуд пуйыос

Удмурт Дунне
By Удмурт Дунне 26 декабря, 2012 16:03

Починкаос — шуд пуйыос

Кияса

Шудо зоре ке зоре ини Починка (Верхняя Малая Салья) гурт вадьсы! Далайгес ини гурт вӧзтӥ асфальт сюрес вуиз.  Нош гуртысь дэри дыръя уд ик поты — нӧдод. Нош алигес та пичи гурт понна шумпотон вуиз — асфальт урамазы но вань ини. Ну и куано починкаос. Коньдон висъямын федерал бюджетысь. Ортчем аре начальной школалэн юртаз Ижысь «Сактон» огазеяськон вуриськон цех усьтӥз — егит кышномуртъёслы ужан интыос усьтӥськизы.

Ма, зоре ке зоре ини шудо-буро зоред Починка вадьсы! Гурт вӧзын кыкетӥ арзэ чиль-дол гинэ бадӟым выль тымет чиля, чорыг но шеде, пе, ини. «Рассвет» колхоз куашкамен. фермазы но ворсаськиз вал. Али пинал фермер Александр Залогов фермаез выльдэ. Пудо вайиз ке, нош ик выль ужан интыос кылдозы. Починкаослы выль магазин но усьтӥськиз, кылӥ, клубзэс но усьтыны бызьыло. Огез гинэ жаль. Та воштӥськонъёсты возьмаса ӧз вуттэ егит семьяос — тур гинэ Иже кошкизы. Ма, гуртын вань на будӥсьёс, соос, оло, городэ уз ни ширтэ? Бускель гуртъёсысь калык вожъяське починкаослы — ужзы вань. Озьыен, улонмы умой пала берытске!

Ноябрь пумын озьы ик шумпотон вуиз Куинь Синь (Троеглазово) гуртэ. Пашмыны-бырыны кутскем пичигес ӟуч гурт асфальтэн герӟаськиз Уддяди (Карамас-Пельга) гуртэн. Куинь Синь (озьы сое уддядиос шуо) Иж шурлы матын, тыпыё-беризё нюлэссы лачак, бусыос но вӧл-вӧл. Табере «Киясовский» агрокомплексэ пырись Подгорное. Троеглазово, Уддяди бусыосы котькыӵе куазен пырыны луоз.

Геннадий Парфёнов

Удмурт Дунне
By Удмурт Дунне 26 декабря, 2012 16:03
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<