Мар вите тӥледыз 2013-тӥ арын?

Удмурт Дунне
By Удмурт Дунне 28 декабря, 2012 12:15
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Мар вите тӥледыз 2013-тӥ арын?

Суредаз Дина Седова

Така. Улон-вылонды но семья кусыпъёсты умой пала воштӥськозы. Ужын бадӟымесь вормонъёс витё ини толалтэ но тулыс. Эшъёсты но кивалтӥсьёс тӥледлы котькыӵе ужез оскозы. Тыршемды умой дунъямын луоз. Озьы ке но вуоно арын уксёдэс тус-тас эн каре. Кулэтэм шугъяськонъёсты дыраз палэнтыны, янгышъёстэс вунэтыны быгатоды.

Ош. Вуоно арды умой луоз. Тӥ мозмытскоды солэсь, мар та дырозь тӥледыз бордаз думыса, кортнаса возиз. Ар кутсконын ужъёсты ӝегаса мынозы, бӧрысь соос асьсэос тӥледыз азьлань валтозы ини. Ӵош ужась муртъёсын матысь эшъёс уд луэ, но чидан сямды утёз ваче керетонъёслэсь. Ужез но шутэтсконэз радъяны быгатӥды ке, жадёнэз но висёнэз уд тодэ. Уксёды трос уз луы, но сютэм уд улэ. Кисыды зӧкалоз ар пумын.

Кыктоос. Бадӟым малпандэс вуоно арын улонэ одно ик пыӵатоды. Ӵош ужась эшъёсыныды кусыпъёсты умоесь луизы ке, вормонъёсты кема витёно уз луы. Кинэ ке выль синмаськон вите, тӥ соин ӵош уд луэ, но йырды урдскоз, сьӧрады бызьылӥсьёс вань шуыса. Бадӟым арбериос эн басьялэ, уксёдэс уката но шыръялэ гужем. Сӥзьыл тазалыктэс пыр-поч эскере.

Кисло-кусло. Тӥледлы пичиен-пичиен котыр ласянь удалтоз. Ортчемез пумысен эн жалялэ, мынэ азьлань. Ас кыл вылады юн сылэ. Семьяяды ваньмыз умой. Тӥ ялан калык пӧлын луоды. Кин ке гужем кузь сюрес вылэ ӝутӥськоз. Коньдондэс ар кутсконын шыръямды пайдаен берытскоз ар пумын. Тазалыкты шоро-куспо. Ваньзэ сюлэм пыртӥды эн поттэ.

Лев. Ар кутсконын кыӵе ке ваньбур, коньдон кияды вуоз. Азьвыл мытэм ужъёстылэсь емышъёссэ лыктӥсь арын адӟоды. Матысь адямиосын кусыпъёсты шуныталозы. Гужем кыӵе ке учыр, югдур мылкыддэс куашкатоз, но тӥ кужым шедьтоды сое вормыны. Кин ке ужзэ воштоз. Тазалыкты потоз асьтэ бордысь. Урод мылкыдлы ӧд сётӥське ке, сюлэмды уз ӵогъя. Дышетске шутэтскыны.

Нылмурт. Ӝог малпаськыны но ужез чаляк лэсьтыны быгатӥды ке, тӥляд ваньмыз пӧрмоз. Кинлы ке ужзэ воштоно яке та удысын ик маке вылез борды кутсконо луоз. Кивалтӥсьёсын эн «шудэ», осконтэм ужъёсын эн выре. Кыйлэн арез, таиныз ӵошатыса, коньдон ласянь устогес луоз, но кредитъёс эн басьялэ. Тазалыкты уз шугъяськыты, шутэтскыны потэ сӥзьыл.

Весъёс. Вуоно арын кыӵе ке бадӟым учыр луоз: яке кыдёкысь ӵыжы-выжыосыныды тодматскоды, яке куашкам семья огазеяськоз. Урод-а, умой-а — муг сюроз пумиськыны, но со учыр тӥледыз сэзъялтоз. Ужын тӥ асьтэдыз усто специалистэн возьматоды. Тыршемдылы вылӥ дунъет басьтоды. Коньдонлы уд ёрме, уксёды йылоз. Тазалыкты вылэ уд ӝожтӥське.

Скорпион. Кыйлэн араз позыръяськисьгес луоно, котыр сюрес — вӧй сюрес, эн вунэтэ со сярысь. Лыктӥсь арын эн дыртэ, чидась, малпаськись луэ. Творчестводы пушъёз, ужын выль проектъёс борды басьтӥськоды. Тазалыктэс эскерыны эн вунэтэ. Коньдондэс тус-тас эн каре. Зарни гурезьёс ӵектӥсьёслы эн оске, уксёдэс люкалэ, со ар пумын туж кулэ луоз.

Ыбылӥськись. Нырысь интые потозы матысь адямиеныды кусыпъёс. Соос выльдӥськозы яке вӧзады выль адями кылдоз. Азьвыл кышканъёсты бус кадь тӧлӟозы. Кивалтӥсьёсын, ог-огдэс валаса, ужалоды. Коньдон ужпумъёсын сюлмаськонъёс уз луэ. Тазалыкты уз чуты. Но сюрес вылын сак луэ, йырдэс уте.

Сюро кеч. Тӥледыз трос воштӥськонъёс но вормонъёс витё. Кайта зол удалтоз ке но, арлэн нырысетӥ люкетаз трос сюлмаськонъёс луозы. Соос уждэс ӝегатозы, люкетозы, возьытэ вуттозы. Отын асьтэлэн янгышты луоз. Но гужем югдур тупатскоз ини. Коньдонды трос луоз мартэ но октябре. Гажандылэсь нырысь ик ӟеч палъёссэ адӟыны тыршиды ке, кусыпъёсты уз тӥяське. Оген улӥсьёс пар шедьтозы. Ужды сярысь юалляськись адямиослы эн оске.

Ву кисьтась. Ар кутсконын тӥ кӧня ке алекмоды, кыӵе уж борды кутскыны валатэк. Собере ӧраз пыроды но трос ужалоды. Макем усто тыршоды, сокем ӟечгес шутэтскоды. Тулыс тазалыктэс чакласа возе, тыостэс эскере, эн кынтӥське. Уждунды пичи уз луы, но асьтэдыз дӥсяны чакламлэсь трос уксё быдтоды. Кин ке улон интызэ воштоз, кин ке семья кылдытоз.

Чорыгъёс. Бадӟым малпандэс улонэ пыӵатыны кутскиды ни вал ар талэсь азьло, лыктӥсь арын сое быдэстоды. Асьтэлэсь вормонъёстэс тодӥськоды, табере возьмалоды мукетъёслэсь дунъямзэс. Вӧзады оскымон команда луиз ке, вормонъёсты йылозы. Синмаськытэк улыны уд быгатэ. Но гужем ваньмызлы синъёсыныды уд кырмышъялэ ни, быръёды огзэ. Коньдон пумысен йырды уз висьы. Тазалыкты уз шугъяськыты, но киостэс уте.

Удмурт Дунне
By Удмурт Дунне 28 декабря, 2012 12:15
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<