Йӧ кисьтэмын, конькиос дасямын

Удмурт Дунне
By Удмурт Дунне 28 декабря, 2012 10:05

Йӧ кисьтэмын, конькиос дасямын

Гракысь школа вӧзын ик йӧ каток усьтӥськиз ини

Асьме спортсменъёс понна таиз ар вунонтэм кылёз Олимпиадаосын.

Январь толэзе Австриысь Инсбрук городын нырысетӥ тол Олимпиада ортчиз 14-18 аресъем егитъёс понна. Удмуртиысь кык мурт пыриськиз — Можгаысь Ульяна Кайшева но Глазысь Елизавета Туктамышева. Та егитъёс ӵошенназы вить медаль басьтӥзы. Нош гужем Лондонын ортчем Олимпиадае шаерысьтымы куать мурт пыриськиз. Таӵеез ноку ӧй вал на.

Арысь аре бадӟым вормонъёсынызы шумпотто шаерысьтымы куасэн бызьылӥсьёс. Туннэ нуналлы куать мурт — Шаркан ёросысь Максим Вылегжанин но Николай Хохряков, Можга ёросысь Дмитрий Япаров но Александр Уткин, Якшур-Бӧдья ёросысь Леонид Виноградов, Кез ёросысь Константин Главатских — Россилэн командаяз кутэмын.

Кужмо биатлонистъёсмы мукет улосъёсы кошкылӥзы ке но, соос интые выльёсыз вордскизы. Берло дыре вормонъёсыныз шумпоттэ Ува ёросысь Валентина Назарова. Егитъёс пӧлын но азьветлӥсьёс вань. Россиысь дас кужмоез пӧлы шедё Дэри ёросысь Дмитрий Кононов но Ижысь Виктория Перминова. Ваньзы сямен та спортсменъёс Сочиын ортчоно Олимпиадалы дасясько.

Нимысьтыз йыбырттэм потэ инвалид спортсменъёслы. Россиысь следж-хоккеен шудӥсьёслэн командаязы ӝыныез Удмуртиысь луэ. Паралимпиецъёсмы пӧлын но удмурт пиос котькинлэсь кужмо луо. Озьы Можга ёросысь Владимир Кононов дуннеысь куасэн бызьылӥсьёс пӧлын огъя зачётын кыкетӥ интые ӝутскиз. Нырысетӥ интылэсь 5 очколы гинэ кылиз. Бадӟымесь азинсконъёсыз Алнаш ёросысь Владислав Лекомцевлэн.

Спортысь мукет амалъя ӵошатсконъёсын но асьме шаерысь спортсменъёс вормонъёс басьтӥзы. Россиысь спортсменъёс пӧлын котькинлэсь ӝог марафонын бызьылӥз Пичи Пурга ёросысь Фёдор Шутов, нош трос амалъя нюръяськонын (многоборьеын) — Дэри ёросысь Иван Григорьев. Ижысь Владимир Фёдоров 7-тӥ декабре дунне рекордэз выльдӥз. 20 градус кезьыт куазен (ву 5 градус вал)  аквалангтэк уяз 100 метрез. Нош пыдын бызьылӥсь Елена Наговицына Россиысь рекордэз выльдӥз: 5 иськемез 15 минут 2,8 секунд куспын ортчиз.

Спортсменъёслэсь быгатонлыкъёссэс кыдатон вылысь трос объектъёс выльдӥсько. «Чекерил» спорткомплекс та вакытэ Россиысь сноубордистъёслэн центренызы лыдъяське. Арлы кык пол ортчылӥсь Гурт шудонъёс адямиосты бурдъяло. Та ӵошатсконъёслы луыса туала куронъёслы тупась стадионъёс но куас базаос лэсьтӥсько. Тросаз ёросъёсын югдытӥськись куас сюресъёс кылдӥзы. Нош 30-тӥ декабре нош ик бадӟым шумпотон луоз: Ижын липет улэ интыям каток усьтӥськоз. Табере конькиен нискыласьёсмы эшшо но тросгес луозы.

Валентина Емельянова

Туспуктӥз Николай Глухов

Удмурт Дунне
By Удмурт Дунне 28 декабря, 2012 10:05
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<