Кин паймытӥз, ма дэймытӥз…

Удмурт Дунне
By Удмурт Дунне 28 декабря, 2012 08:50
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Кин паймытӥз, ма дэймытӥз…

«Юмшан-57» группаысь Ullapala Boy арлы йылпумъянъёс лэсьтӥз: кин меда туэ золгес пиштӥз-ворекъяз? Кин удмуртъёслэсь данзэс эшшо но вылӥегес ӝутӥз?

Та огазеяськонъёс кошкись арез тодазы кельтозы Лудорвайын Герберын нырысьсэ ортчем опен-эйрен. Та ужрадлы «События-2012» номинациын кыкетӥ инты сётэмын. Брангурт песянайёслэн «Евровидениын» вормемзы «азвесь медален» дунъямын. «Крезьгур-2012» номинациын кырӟась батырен нимамын Анисимов Коля. Испаниын кырӟам Иван Белослудцев 3-тӥ интыын гинэ.

«Адями-2012» номинациын нырысетӥ интые потӥзы ПЕРЕПЕЧЪЁС — Роман Дементьев но Семон Семёнов. Зэмос удмурт нылашкамы — Дарали — таяз радэ кыкетӥ интые кылиз. Удмурт режиссёр — «наше всё» — Павел Поздеев 4-тӥ интые кылиз.

Кызьы вератэк кельтод Интернет сярысь! «Интернет-2012» номинациын ваньзэсты азьпалтӥз «Юмшан» огазеяськонлэн вотэс бамез! Пусъемын «Удмуртлык» группалэн бамез. Со усьтӥськем дырысен туэ 5 ар тырмиз. Солы луыса кӧня адями огазеямын удмуртлыкез ӝутон улсын!

«Видео-2012» номинациын ваньзэсты мышказ кельтӥз туэ гужем Лудорвайын ортчем опен-эйрын кылдэм видео. Пусйыны луоз Ваня Белослудцевлэсь чебер клипсэ но — со вань учкисьёслэн сюлмазы усьтон шедьтӥз. Та кырӟан «Видео-2012» номинациын куинетӥ интые потӥз.

Нош кин иворъёсты калык пӧлы вӧлмытоз?! «СМИ-2012» номинациын вормисе потӥз «Мынам Удмуртие» телеканал. «Удмурт дунне» кыкетӥ интые потӥз. Ма, куинетӥ инты но «дуннеослы» ик донгиськиз: егитъёслы сӥзем «Dart» приложение вормисе потэмъёс радэ пыртэмын.

Ар ӵоже тужгес яркыт пиштэм Коля Анисимовлэн кизилиез: со «Адями-2012» номинациын но, «Крезьгур-2012» номинациын но пусъемын.
Огъя вераса, удмуртъёс туэ зол ворекъязы. Котькытын!

Удмурт Дунне
By Удмурт Дунне 28 декабря, 2012 08:50
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<