«Гурт Адями» конкурс: йӧно воргорон понна куарадэс сётэ

Удмурт Дунне
By Удмурт Дунне Декабрь 17, 2012 17:21
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

«Гурт Адями» конкурс: йӧно воргорон понна куарадэс сётэ

А. Стрелков, гурт удысъя но сиён-юонъя министр

Гажано лыдӟисьёс! Быдэс ар ӵоже ми гожъямы гурт улонэз валтӥсь воргоронъёс сярысь.  Табере куриськомы со ужлы дунъет сётыны: кудӥз статья тӥледлы тужгес но тодады кылиз.

13.12.2012. Светлана Итешина. Данъяськонэз валасьтэм.

Дэри ёросысь Юськи школаын удмурт кылъя но литературая урокъёсты нуэ туж адӟем карымон, ас удыссэ пыр-поч тодӥсь П. Давыдов. Пётр Владимировичлэн нимтулыз ас школаяз, ёросаз гинэ ӧвӧл, быдэс шаерамы тодмо. Удмуртлыкен герӟаськем одӥг ужрадлэсь но со палэнэ уг кыльылы.

13.12.2012. Нина Шутова. Шаплы Яша агай.

Пичи Пурга ёросысь Улын Юри гуртын адӟем карымон луо арлыдоос. Колхоз кивалтӥсьлэн бызьылонъёсыз тырмыт бере, троссэ ужъёсты ас вылаз басьтэ гурт кенеш. Кивалтэ соин Яков Парамонович Петров.

Кин ке вордӥськиз, кин ке улонысь кошкиз, кинэ ке ӟечкылано я кылзэс юано – вань ужпумъёсъя калык вазиське гурт тӧролы – старосталы.

13.12.2012. Жадисьтэм мурт уг йыромы. Дэбес ёросысь Удмурт Льӧм гуртын вордскем Сергей Косарев ноку ӧз малпалля город пала шонтыны. Сое котьку бордаз кыскылӥз гуртын нясь-нясь улон.

13.12.2012. Дыгаевлэн ужез дыгатэк мынэ. Пичи Пурга ёросысь Куреггуртысь Олег Дыгаев кема аръёс ӵоже ни гуртлэн тӧроез луэ. Мӧйы калыкен кылыз тупа, но уката адӟем карымон со пиналъёс понна.

24.10.2012 г. Геннадий Романов «Нянь инмысь уг усьы»

Ува ёросысь Свердлов нимо СПК-лэн кивалтӥсез Анатолий Асанов хозяйствоен быгатыса тырше. Гурт предприятиын тыршисьёс арлы быдэ йылэто йӧл поттонэз, тырмыт но ӟечлыко дасяло пудо сиён, нянь будэто.

27.01.2012 г. Геннадий Романов «Одӥг нунал но пайдатэм уг ортчы»
Вавож ёросысь Мичурин нимо эштос быдэс шаермыя одӥгез кужмоез гурт хозяйство. Кема аръёс ӵоже кивалтэ соин пӧртэм данъетъёсын пусъем кузё Валентин Калинин.

10.02.2012 г. Геннадий Романов «Шуныт интыын ужаны умой»
Дэри ёросысь Азин нимо гурт предприятиен 20 ар ӵоже кивалтэ ни В. С. Данилов. Дэри ёросысь уноез кужмо хозяйствоос куашказы, нош таиз кылиз но, азинске но.

20.03.2012 г. Иван Аркашев «Йӧлэз йылтоз небыт кыл»
Пичи Пурга ёросысь «Уромское» гурт предприятие тол вылтӥ но скаллы быдэ 16 килограмм йӧл кыске. Кузё, Василий Леонтьев верамъя, вань вормонъёс пото калыклэн тыршемысьтыз.

27.02.2012 г. Геннадий Романов «Людмила» уг пурысьта»
Кыӵе нянь пайдаё? Дэри ёросысь Сепыч гуртысь пекарняын 6 пумо нянь, 12 пумо батон пыжо, сухари, печенняос но мукетсэ лэсьто. Соин кивалтэ Александр Тимофеев. Пекарняын 45 мурт тырше. Соослэсь няньзэс басьто Ижын улӥсьёс но, мукет ёросъёсысь гуртъёсын но.

11.05.2012 г. Геннадий Романов «Орден кыле выжыысь выжые»
Эгра ёросысь «Зуринский агрокомплексысь» механизатор Николай Агафонов ёросысь устоез механизатор. Со пусъемын «За заслуги перед Отечеством» орденлэн II степенё орденэныз.

26.05.2012 г. Елена Миннигараева. Удмурт кизилиос — «Куартолэзе ӝужам шуд»
Пичи Пурга ёросысь «Ильинское молоко» огазеяськон нуналаз 15 тонна йӧллэсь сиён лэсьтэ. Со вузаны кошке Пичи Пургала, Огырчие, Иже, Набережные Челные, Можгае, Вавоже но мукет интыосы. Кивалтэ соин ужбергатӥсь Иван Петухов.

20.08.2012 г. Иван Аркашев «Мынам ваньмыз аслам!»

Удмуртиын 1 сюрс 500-лэсь ятыр ас понназы ужась семьяос. Дэри ёросысь «Заречное» крестьян-фермер хозяйствоен кивалтэ Михаил Лебедев, со ик луэ асьме шаерысь крестьян-фермер хозяйствоослэн огазеяськонзылэн тӧроез.

24.08.2012 г. Иван Аркашев «Сюрес бырйыны юрттӥз арган»
60 арес тырмиз Удмуртиысь гурт хозяйствоя но сиён-юонъя министрлэн воштӥсезлы Аркадий Трофимович Малковлы.

25.09.2012 г. Геннадий Романов «Нуналлэн кыӵе луэмез ӵукна адӟиське»

Якшур-Бӧдья ёросысь «Рассвет»ООО-лэн кивалтӥсез Виктор Маштаков ялан сюлмаське ужасьёсызлэсь уждунзэс будэтон сярысь.

12.10.2012 г. Иван Аркашев. Удмурт кизилиос — «Калля выжыысь министр»
А. В. Стрелков, гурт удысъя но сиён-юонъя министр.

23.10.2012 г. Геннадий Романов «Пичи эштос кунэз сюдоз»
Кияса ёросысь фермер Пётр Григорьевич Петров. Солэн сюро таза пудоез 700 йырлэсь уно.

13.11.2012 г. Геннадий Романов
Сьӧлта ёросысь «Гопгурт» огазеяськонлэн тӧроез Арутюн Арутюнян шуэ: «Азинскон вайизы кӧлытэк потэм уйёс».

17.12.21012. Милям кизилимы.  «Надежда» кооперативын 15 ар ӵоже ужатозяз, трос гинэ вормонъёс басьтэмын. Фин но голланд технологиен будэтэм бакча сиёнъёссы вылӥ ӟечлыкен кылдо-быгыльско, хозяйствозылы табыш ваё. Коллективезлэсь ужзэ капчиятон понна Бронислав Ясонов котькуд ар тырше ужан техниказэс выльдыны.

Туэ февраль толэзе воштӥськиз улосмылэн йырыз - Удмуртилэн Тӧроезлэсь ужзэ быдэсъясе юнматэмын Александр Соловьёв. Тӥ учкемъя, кыӵе удысъёслы тужгес но бадӟым саклык висъяно выль кивалтӥсьлы?

Учконо кӧня куара сётэмын

Удмурт Дунне
By Удмурт Дунне Декабрь 17, 2012 17:21
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<