Гурт Адями улэ Вуж Мӧньялан

Удмурт Дунне
By Удмурт Дунне Декабрь 20, 2012 14:31
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Гурт Адями улэ Вуж Мӧньялан

Б. Ясонов

Та нуналъёсы «Удмурт дунне» газетлэн лыдӟиськисьёсыз «Юмшан57» промо-группалэн но солэн азьветлӥсезлэн Павел Поздеевлэн кичӧлтэмезъя мыло-кыдо пыриськизы «Гурт Адями» акцие: гурт калык понна тыршись, удмуртлыкез утён понна сюлмаськись воргоронъёсты гажамзэс возьматӥзы, тау каризы.

Kuara.ru cайтын Интернет пыр тужгес но трос куара Шаркан ёросысь ужбергатӥсь Александр Софронов люказ. Солы 108 мурт дурбасьтӥз. Акциез йылпумъяса, «Юмшан57» промо-группа Александр Ивановичлы «Гурт Адями» дано ним сётӥз но ӵошатсконлэн вормисеныз ялӥз.

Конкурслэн куронъёсызъя, кандидатъёс сярысь малпанъёсты сайтэ гожтыса кельтоно яке электрон гожтэтэн ыстоно вал. Алексей Софроновлы дурбасьтыса, Михаил нимо воргорон Kuara.ru сайтэ, тупен-тупен валэктыса, пост гожтэм:

Александр Иванович Софронов тодӥсьтэм муртлы огшоры адями кадь потоз. Но со озьы ӧвӧл, малызэ, мон али верало:
1) Нырысь ик адямиез котыр ласянь учко. Мар веранэз, улыны тыршемез калыклэсь уг висьяськы. Кыӵе малпанэз вань, котькуд воргорон сямен быдэстыны тырше: ма кыӵе атайлэн потоз аслэсьтыз нылпизэ алама юртын будэтэмез. Соин ик радын, кин вералоз Александр Ивановичлэн коркаез гурт калыклэсь пӧртэм шуыса?

2) Шумпотымон солэн сямыз: сыӵе вылӥе жутиськыны быгатэмын ке но, аслэсьтыз будэм интызэ уг вунэты. Коня гинэ ужан инты уг сёты Александр Иванович аслаз калыкезлы. Со сяна, та адями гурт нылпиос, анай –атайёс понна ужрадъёс ортчытэ. Со туж шумпотымон!!! Кӧня нылпи садэ, школаосы аслэсьтыз продукциязэ нуллэ!!! Тазьы вераса гинэ со капчи кадь потэ, нош уж борды кутскиськод ке…

А. Софронов «Гурт Адями» пус басьтӥз

3) Вожъяськыса учконо Александр Иванович Софроновлэн капчи, задор мылкыдэзлы. Та мылкыдэз солэн пинал калыклэн мылкыдэныз ӵошатымон. Котьку но солэн йыраз выль малпан, сое быдэстыны мылкыдыз вань.

4) Вераськон куспын, ӧд тодэ ке Александр Ивановичез, кожалоды, вераськиськоды бускеленыды оло нош эшеныды, кудӥз чик но вылтӥяськытэк тӥледын вераськоз.

Та воргоронлэсь умой сямьёссэ верасса уд но быдты, дыр….Жаляса верано луэ, гурт калыклэн сое валэмез уг поты шуыса. Зэмзэ но, удмурт калыклен сямыз алама: со уз шумпоты бускелезлэн вормемез понна, , каргам выллем, вылаз вераса куштоз.

Нош кыӵе секыт вал та сюрес вылэ султыны Александр Софроновлы, солэн семьяез гинэ тодэ. Соин ик, таӵе адямиосын асьмелы данъяськыны кулэ, азланяз сюрес сётыны. Жаляса верасько, мынам гуртам Александр Иванович уг улы шуыса.

Нош Пичи Пурга ёросысь Вуж Мӧнья гуртын улӥсь Бронислав Васильевич Ясонов понна «Удмурт дунне» газетлэн сайтаз 27 куара сётэмын, телефон пыр милемлы 3 адями вазиськиз, нош 85 кинюртэм почта пыр гожтэтэн вуиз. Озьы ик мукетыз йӧно воргоронлы, Пичи Пурга ёросысь Улын Юри гуртысь Яков Парамонович Петровлы, 30 адями дурбасьтӥз.

Йылпумъянъёс лэсьтыса, «Удмурт дунне» газет аслэсьтыз вормисьсэ ялэ: туэ арлэн «Гурт Адямиез» Бронислав Ясонов луиз! Ӟечкыласьком!

Кызьы уд дурбасьты таӵе адямилы! Со сюлмаськиз гурт тыметэз чылкытатыны но муромытыны. Гуртысь но ёросысь кивалтӥсьёсын ӵош кариськыса, пиналъёслы хоккеен шудон инты лэсьтӥзы. «Надежда» кооперативын 15 ар ӵоже кивалтытозяз, трос гинэ вормонъёс басьтэмын. Фин но голланд технологиен будэтэм бакча сиёнъёссы туж дунъясько, хозяйствозылы табыш ваё. Хозяйствоын арлы быдэ техниказы выльдӥське. 2010-тӥ арын Бронислав Ясонов пыртэмын Россиысь гурт удысысь тужгес но усто кивалтӥсьёс пӧлы, нош «Надежда» кооператив но лыдъямын АПК удысысь тужгес но усто эштосэн.

Тау кариськомы Вуж Мӧнья калыклы гуртозы сярысь ӟеч мылкыдъёссэ шара верамез понна.

Туспуктиз Виталий Бармин

 

Удмурт Дунне
By Удмурт Дунне Декабрь 20, 2012 14:31
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<