Ӟечкыласьком!

Удмурт Дунне
By Удмурт Дунне 12 декабря, 2012 08:53

Ӟечкыласьком!

С. Смирнова

4-тӥ декабре зарни лыдпуссэ — 50 арессэ — пусйиз дано но йӧно кышномурт Светлана Смирнова. Солэсь удмуртлыкез ӝутонэ пыриськемзэ номырин уд ӵошаты, уд но мерта — сомында ужъёс-проектъёс быдэстэмын солэн кичӧлтэмез улсын!

Дэбес палъёсысь огшоры удмурт гуртын вордскем Светлана Смирнова егит дырысеныз висъяськылӥз котькыӵе уж борды рос-прос басьтӥськеменыз. Кивалтон удыссэ Удмурт шаерын мытыса, Светлана Константиновналэн нимыз тодмо луиз быдэс кунмылы — калыклэсь куронъёссэ-мылкыдъёссэ улонэ пыӵатыны тыршиз, Кун Думаын депутатын ужаса. Тыршиз наука удысын но. Светлана Константиновна — политика наукаосъя доктор.

В. Шудегов

Та вакытэ ужзэ азьланьтэ Россилэн Президентэз бордын кылдытэм кун службая академиын.

5-тӥ декабре 60 арес тырмиз Виктор Шудеговлы — Россиысь Кун Думаысь депутатлы. Удмуртилэсь данзэ ӝутонын солэн тыршемез котыр ласянь адӟем карымон. Политикае вамышъёссэ Удмурт шаерын мытыса, табере со пыриське быдэс кунмес азинтонэ.

Вордскиз со Кез ёросысь Тортым гуртын удмурт семьяын. Виктор Шудегов — физика но математика наукаосъя доктор, профессор, наукая 160 пала статьяослэн авторзы, Россия Федерациысь наука удысысь дано ужась.

П. Коробов

8-тӥ декабре 50 арессэ пусйиз Сьӧлта ёросын удмуртлыкез ӝутонэ пыриськись Пётр Коробов. Со мыло-кыдо пыриське «Удмурт кенеш» огазеяськонлэн Сьӧлта ёросысь ёзэзлэн ужаз — ёросын одӥг удмурт ужрад но сотэк уг ортчы. Пётр Вениаминович, вань мылкыдзэ сётыса, пиналъёсын ужа. Сьӧлта ёросысь Югдонысь культурая юртэн кивалтэ.

Со сяна, та йӧно воргорон кивалтон уже но пыриське — Кильмезь муниципал кылдытэтысь Депутатъёслэн кенешазы быръемын.

Удмурт Дунне
By Удмурт Дунне 12 декабря, 2012 08:53
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<