Выль вормонъёслы кужым

Удмурт Дунне
By Удмурт Дунне 2 ноября, 2012 07:06

Президентлэн Александр Волковлэн резиденцияз ортчиз Кун премиен пусъем, шаермылэн Данъян пул вылаз пыртэм муртъёсты, коллективъёсты данъян ужрад.

Уженызы висъяськем муртъёслы шуныт кылъёссэс вераны люкаськизы Кун Кенешлэн, Правительстволэн Тӧрооссы Александр Соловьёв, Юрий Питкевич, шаерысьтымы валтӥсь федерал инспектор Дмитрий Мусин.
— Туэ ар Удмурт шаерын ялэмын вал Пыӵал-тӥрлык поттӥсьлэн ареныз, — веранзэ мытӥз Президент. — Шумпотымон, та ласянь асьмеос данъяськыны быгатӥськомы пӧртэм заводъёсын тыршисьёсынымы. Ижысь электромеханикая «Купол» предприятиын, Ижысь радиозаводын, Опытно-механической заводъёсын ужасьёс кыӵе но вормонъёс ӧз басьтэ, кыӵе гинэ проектъёсты улонэ ӧз пыӵатэ! Малы бен тыршемзэс Кун премиен пусъёнтэм.

Ушъятэк кельтыны уг луы Глазовысь «Реммаш» огазеяськонэз но. Отын тыршисьёс но Кун премиен пусъемын — сеялка-культиватор кылдытэмзы но гурт удысэ пыӵатэмзы понна. Та гинэ мар! Кылдытэм арберизы вылэ пыкъяськыса, «Реммашысь» конструкторъёс кылдытӥзы бусы ужъёслы чаклам «Глазовчанка» нимаськись комплекс. Сое куто ни Татарстанысь, Киров, Свердловск улосъёсысь гурт хозяйствоос.

Литература, искусство но дышетон удысын Кун премиен пусъемын Россиысь Писательёслэн огазеяськонзылэн ёзчиез Николай Украинец. Со поттӥз тодмо политиклы Юрий Маслюковлы сӥзем «Не отступая — быть самим собой» книгазэ. Со сяна, Кун премиен пусъемын республикаысьтымы искусствоосъя нылпи школаын тыршисьёс.

Шумпотымон: Данъян пул вылэ шедизы гуртоос но. Резиденцие соос вуизы чебер пӧрмытскыса, пальышась ымныръёсын. Пусъемын Кез ёросысь «Степаненки» (кивалтӥсез Фёдор Першин), Вавож ёросысь «Жуё-Можга» (кивалтӥсез Анатолий Актемыров) гурт хозяйствоос, озьы ик Глазов ёросысь «Чура» (кивалтӥсез Валентина Пермякова), Алнаш ёросысь «Молодая гвардия» (кивалтӥсез Валентин Губкин) фермаос.

Спорт удысын Кун премия сётэмын Лондонын ортчем гужем шудонъёсъя XXX олимпиадае, озьы ик паралимпиадая XIV шудонъёсы пыриськемъёслы.
Кун премиен пусъем но Данъян пул вылэ пыртэм муртъёс, коллективъёс доръёсазы берытскизы, выль вормонъёслы кужым но азинлык басьтыса.

Елена Никитина

Удмурт Дунне
By Удмурт Дунне 2 ноября, 2012 07:06
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<