Вожвылъяськонлэн толыкез

Удмурт Дунне
By Удмурт Дунне 28 ноября, 2012 12:11
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Вожвылъяськонлэн толыкез

М. Векшина

Вожвылъяськон (конкуренция) кылэз котькуд удысын кутыны луэ. Экономикаын но политикаын, адямиос но пудо-животъёс куспын, дышетсконын но ужын. Но туннэ мынам потэ вераме удмурт дуннеетӥ поръясь вожвылъяськон сярысь. Мар со сётысал удмурт калыклы но удмурт шаерлы? Кытчы вуттысал со лулчеберетмес?

Мон лыдъясько: вожвылъяськон мылкыдэз ӝутэ азьлань мыныны. Удмуртлык дуннеын но вожвылъяськон луысалыз ке, лулчеберет вылӥегес ӝутскысал.

Кылсярысь, Удмурт кун университетысь удмурт огазеяськонъёс но клубъёс куспын бырйыны ик номыре — соос туж ӧжыт. Удмурт филология факультетын «Ватка» удмурт театр вань. Журналистикая факультетысь удмурт кылын вераськись но гожъяськись студентъёсын малпамы удмурт театр усьтыны. Пыд йыламы йыг-йыг султӥмы ке, та удысысь мукет огазеяськонъёсын нюръяськыны кутском: учкись понна, инты понна. Соин ик тодмо, тузӥ луыны кулэ. Со понна ми выль амалъёс утчаны кутском. Нош азьланяз, вылэгес ӝутскеммы бере, луозы выль конкурентъёс. Соос но маке выльзэ сётозы, узырмыны но выль тодон-валанъёс басьтыны юрттозы.

Республикаямы потэ кӧня ке удмурт газет. Тросгес изданиос потысалзы ке, редакциос куспын вожвылъяськон пуромысал, котькуд лыдӟисьсы понна. Лыдӟись но бырйиськыны кутскысал. Бигеръёслэн ӵапак озьы ук! Кин но со шуоз: удмуртъёс ӧжыт, соин ик трос удмурт газет-журналъёс, телеканалъёс, огазеяськонъёс кылдытъянлэн толыкез уз луы.

Мон шуысал: али будэ мукет поколение. Солы удмуртъёслэн но удмурт дуннелэн котькуд палыз сярысь выль кылын вераны кулэ. Ваньмыз мед тодозы, удмуртъёслэн но улонзы пӧзе шуыса.

25-тӥ октябре одӥг дыре кык пӧртэм интыосын ортчиз кык ужрад. «Пепелацын» — «Юмшан» промо-группалэн огшоры дискотекаез. Fashion клубын — LAD-LAD огазеяськонлэн «Тон шуид вал лыкто…» вечеринкаез. Адямиос малпазы: выль но тунсыко программаен Чумолё Олёш дӥне дыртоно яке котькуд дискотеказэ огкадь ортчытӥсь Паша Поздеев доры кожоме?

Кылдэ капчи формаен вожвылъяськон, пото выль малпанъёс, кескич но гочатӥсь вамышъёс, тунсыко вазиськонъёс…

Нош удмурт дуннелэн мукет удысъёсаз ку озьы луоз? Тани Таня сузэре, тодон-валан басьтыса, удмурт кафе, пе, усьто. Кужмыз гинэ мед тырмысал малпанзэ улонэ пыӵатыны.

Озьы «удмурт» кыл вылэ пыкъяськыса, котькуд удысын сюрысалзы кулэ адямиос, удмурт лулчеберетлэн инъетэз но воштӥськысалыз. Мукет выжыысь калыкъёс тунсыкъясько ук асьме калыкен но солэн лулчеберетэныз. Тае валаммы понна тау «Брангуртысь песянайёслы» — соос туж зол вӧлмытӥзы кылмес но культурамес! Соин ик кулэ азинскыны, выль проектъёс кылдытъяны но асьме лулчеберетмес адямиос пӧлы вӧлмытыны.

Маша Векшина

Туспуктӥз Мария Золотарёва

Удмурт Дунне
By Удмурт Дунне 28 ноября, 2012 12:11
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<