Валэктыны кулэ меда?

Удмурт Дунне
By Удмурт Дунне 21 ноября, 2012 14:22
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Валэктыны кулэ меда?

С. Орлов. Тылобурдоосты кутӥсь муртъёс

Пӧртэм калыкъёслэн литература кылзылэн азинсконэз пӧртэм вакытысен кутске. Соин ик со пӧртэмлыкъёс но шуг-секытъёс, кылысь кылэ берыктыку, шӧдӥськытэк уг кылё. Одӥг пример вылын гинэ тае эскереме потӥз.

Студент вакытысен йырам уло таӵе чуръёс (жаляса верано, авторзэ вунэтӥ):

Всё это было,
было, было…
Оспорить разве
можешь ты?
Какая сила уносила
На крыльях пламенной мечты?

Удмурт кылэ мон сое шуак гинэ, кылбур бурд шонтэмъя кадь, тазьы берыктӥ:

Ваньмыз ик вал со,
вал со, вал…
Валэктыны кулэ меда?
Кыӵе кужым —
тыло бурдэн —
Валтӥз монэ — вылэ, вылэ?

Кылбурез чеберлыко берыктыны тыршыса, малпаськиськод: маиз кылиз, маиз ышиз… Татын, адӟиськом, огъя мылкыдыз-настроениез кылемын: вылэ ӧтись, лобӟытӥсь. Тырмымтэ слогъёс интые — паузаос, соос чуръёсын верам мылкыдлы эркынлык сёто. Ышемын чот-чот рифмаосыз. Нош со интые — вал, выл кылъёсын-слогъёсын шудон, пушласянь рифмаян. Озьыен, удмурт кылэ берыктэм чуръёс выль тусбуй шедьтӥзы.

Табере учком пуштросэзъя. Удмуртаз ньыльчурын вазиськон интые ас поннад малпаськон луэм. «Тыло бурд» — «крылья пламенной мечты». Нош «мечта» (малпан) воксё но киргамын. Берыктӥсьлы гинэ тодмо, малпанлэн со «тыло бурдэз» шуыса. Соку… «кыӵе кужым» интые «кыӵе малпан» пуктом шат?..

Шугъяськонысь потыны уг луы на. Та чуръёсыз эшшо тупамонгес берыктоно ке?
Ваньмыз со вал ук,
вал ук, вал…
Ма вералом тыныд
пумит?
Кыӵе кужым валтӥз азьлань
Малпанэлэн тыл бурд вылаз?

Ма, табере соку ик син азе йӧтэ 4-тӥ чурын рифмалэн тупамтэез! Амалы ке луысал, берпум чурзэ мон тазьы карысал: Тыло бурдъёсылы мынтӥт? Мон сямен, тазьы ньылчурлэн малпанэз кужмоя. Нош соглаш луысал-а авторез? Та уго эркын берыктон луэ ни.
Котьма ке но кыказ ик берыктэмын маиз ке ышиз ик. Нош со понна чебер шедьтон сюриз: «тыло бурд».

«Ваньмыз со вал ук, вал ук, вал…» Кудӥз шуо: «вал» кыллэн умойтэм палыз но, пе, вань, «лошадь» шуэмез возьматэ. Юромо малпаса гинэ, тазьы луэ ке шат… Нош мон та чурысь мукет шӧмзэ шӧдӥсько: котьма но вал, уг танӥськиськы мон… Малы ке шуоно со (поступок) лэсьтэмын вал «тыло бурдъёсылы мынтӥт». Тӥни берыктӥсь ас сяменыз кызьы куасалтӥз! Таин валче тодам лыктэ Е. Евтушенколэн: «Ты спрашивала шёпотом: а что потом, а что потом?..» Поэзиын уго, ачид но шӧдытэк, кыӵе ке герӟетъёс-ассоциациос кылдо. Кылбурез берланьяса выременымы та учыре одӥг кылбурысь мукетаз куара шуккиськон кадь луэм. Зэмзэ но, соглаш луысал-а таӵееныз автор? Нош кызьы ӧръяськоз ай кылбурлэн отӥяз малпанэз? Ваньзэ тае чаклатэк уг луы. Кылбурез кылысь кылэ берыктон — со уго туж векчи пиялаез кискачен кутылон кадь: кырыжтыны шедьтӥд — ваньмыз куашкалоз, сӧриськоз, вӧсь кароз.

Йылпумъяса эшшо вераме потэ. Классика (силлабо-тоника) амалэн гожтэм чуръёсыз «адекватно» (туж тупамон) берыктыны секыт. Одно ик маиз ке ыше, со интые асладэз ватсаське. Соин ик туала эркын гожъяськисьёс ог-огзэс умойгес валало: рифма, ритм (кылбургур) чутэ ке но — «ярам». Валтӥсь интыын — малпанэз но кыӵе ке лушкем шунытлыкез.

Татьяна Чернова

Туспуктэмез: finnougoria.ru

Удмурт Дунне
By Удмурт Дунне 21 ноября, 2012 14:22
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<