Узыез но борыез кузпалъян

Удмурт Дунне
By Удмурт Дунне 14 ноября, 2012 13:29
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Узыез но борыез кузпалъян

Бакчаям вӧлмытэме потэ земклуникаез. Кылэме вань, солэн емышъёсыз кырын будӥсь боры шӧмъем. Маин висъяське земклуника викториялэсь но узылэсь? Кыӵе сортъёс ӟечгес тупало асьме улослы? Вазь тулыс кидысэн кизи ке, вуоно арын будосъёс емыш сётозы-а?
Лена.
Ижевск.

Земклуника кемалась ӧз вӧлмы. Та выль выжы кылдытэмын, узыез (ЗЕМляника) но борыез (клубника) сюреласа. Узы — анай будос, нош боры — атай будос. Мукет сямен но луыны быгатэ: анай будос — боры, нош атаез — узы, емышез клузеника.  Но таиз гибрид ӧз вӧлмы: емышез но ӧжыт, ӟечлыкез но ляб.

Бадӟым емышо узылэсь нырысетӥ кылдытэм выжызэ Виктория нимазы. Со дуннее туж паськыт вӧлмиз. Россиын но садовой, ананасной узыос пӧлысь нырысетӥез вал. Выжылэн нимыз бордысь ик бадӟым емышо узыез (Земляника крупноплодная) калык пӧлын виктория шуизы. Али но тросэз озьы нимало.

Бадӟым емышо узыез асьме кунын боры (клубника) шуо на — мукет кылъёсысь берыктэм нимыз. Но зэмзэ вераса, боры (мукет нимыз мускатной узы), вылӥ верам выжыен герӟаськемын ӧвӧл. Боры анай но атай пудъёслы люкиське. Анай пуд емыш сётэ ке но, туж ӧжыт. Сяськаясь ваез куаръёсызлэсь трослы ӝужытгес. Нош атай пуд емыштэм. Соин ик борыез садъёсын уг будэто.
Земклуника сярысь ке верано, та дыре кылдытэмын ни трос пӧртэм выжыос, кудъёссэ асьме дорын но будэтыны луоз. Узыен (викториен) ӵошатыса, земклуникалэн шӧмыз но зыныз трослы ӟечгес, емышез но уно. Висёнъёслы уггес сётскы, уг нелькиськы. Но емышъёсызлэн быдӟалазыя узыен уд ӵошаты, выль пушъетъёсыз (усъёсыз) но трос — туж ӝог вӧлмо убое.

Земклуникалэн выжыосыз

Мускатной бирюлёвской — емышъёсыз вазь кисьмало, висёнъёслы уг сётскы. 1 квадрат метрысь 1,2 килограмм пала емыш сётэ. Емышъёсыз 13-15 грамм, пеймыт-гордэсь, шӧмзы туж ческыт.
Пенелопа — емышъёсыз вазь кисьмало, висёнъёслы уг сётскы. Пудъёсыз паськытэсь. 1 квадрат метрысь 1 килограмм пала емыш сётэ. Нырысь кисьмам емышъёсыз 10 грамм но луыны быгато, кузялэсэсь, льӧлесь.

Рапорт — кисьман вакытэз шоро-куспо. Пудъёсыз ӝужытэсь но паськытэсь. 1 квадрат метрысь 1 килограмм емыш октыны луэ. Емышъёсыз 5-10 грамм, бусӥр пыр гордэсь.
Земклуникаез утялто но будэто узыез сямен. Кидысэн кизьыны луоз тулыс март толэзе, югыт интые — вазьгес. Емыш сётоз кыкетӥ араз.

Александр Фёдоров,
гурт удыс наукаосъя доктор

Удмурт Дунне
By Удмурт Дунне 14 ноября, 2012 13:29
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<