Демократиез азинтоз «Удмуртлык»

Удмурт Дунне
By Удмурт Дунне 12 ноября, 2012 13:25
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Демократиез азинтоз «Удмуртлык»

«Удмуртлыклэн» дышетон проектъёсыз

Али удмурт Интернетлэсь улонзэ «Удмуртлык» огазеяськонтэк син азе пуктыны шуг. 5 ар ӵоже та интернет-огин удмурт улонэн тунсыкъяськись муртъёслы ас малпанъёссэ но сюлэмшугъяськонъёссэ вераны луонлык сётэ.

Вакчияк огинлэн азьветлӥсьёсыз сярысь: кылдытӥсез — Роман Романов, ужез азьланьтӥсьёсыз — Павел Поздеев, Алексей Шкляев, Виталий Пронин. Котькуд вакытэ огинлэн аслаз азьветлӥсьёсыз кылдо — куаш-куаш малпанзэс азинто, споръяськонэ пырисько, улонысь воштӥськонъёсты сак эскеро — нырысь аръёсы туж мыло-кыдоесь вал Денис Сахарных, Дарали Лели, Вера Степанова, Ольга Урасинова, интернет-персонаж Камит Усманов, Анатолий Галиханов. Нош али азьпал радъёсы потӥзы Андрей Краснов, Алексей Емельянов, Валерий Ложкин. Диалоге пыриськисьёслэн арлыдзы будӥз — темаоссы но муресьгес. Кылсярысь, али «Удмурт кенеш» огазеяськонлэн ужаз «Удмуртлык» огинлэн нимыныз пыриськон сярысь ужпум ӝутэмын. Артём Малых, «Уралистика» сайтэз кылдытӥсь, вера: «Удмуртлык» электронной демократиез азинтон инты луыны быгатоз. Вотэсын вераськем сяна, соос зэмос улонын но пумиськыло — «Удмуртлыкысь» ӝутэм темаоссыя пӧртэм ужрадъёс ортчытъяло.

Шутэтскон-тодматскон, споръяськон-малпаськон сяна, интернет-огин дышетон проектъёс борды басьтӥськиз. Та ӧрез Алексей Шкляев нуэ.

2010-тӥ арысен BERYKTON LUD — удмурт кылэ берыктисьёслэн клубзы ужа. Отчы котькуд мылкыд ккарись on-line режимын берыктон уж борды басьтӥськыны быгатэ. Клубысь егитъёслэн тыршеменызы дас вить фильм Translatedby.com сервис пыр удмурт кылэ берыктэмын но калыклы возьматэмын.  BERYKTON LUD-лэн ужаз Лукерья Шихова, Лена Рябина, Александр Егоров, Анастасия Шумилова, Валерий Ложкин но трос мукетъёсыз пырисько. Удмурт кылосбур факультетэн валче  BERYKTON LUD кык пол та ужпумъёслы сӥзем неконференциос ортчытӥз. Жаль, материалъёс, студентъёсын лыдӟем докладъёсыз, вотэсэ интыямын ӧвӧл на.

2012-тӥ арысен «Вконтакте» вотэсын «Котькуд нунал удмурт кыл» гожтӥськон ужа. Анна Семёнова, Николай Анисимов, Ольга Урасинова, Марина Федосеева, Мария Галеева но Алексей Шкляев нуналлы быдэ удмурт кылэз дышетӥсьёс понна вотэсэ выль кылъёсты интыяло. Ӝыны ар ӵоже ужаса, та вотэсбам трос гожтӥськись люказ ини.

Мукетыз проект — «Гожъяськы шонер» — компьютерын, телефонын, планшетын удмурт ӝ ӟ ӥ ӧ ӵ букваосты гожъянын янгышъёсты эскерись эскерись программаез вӧлмытон понна кылдытэмын. Проект бордын удмурт программист Григорий Григорьев тырше.

«Вконтакте» социальной вотэс «Удмуртлыклы» ӝужан понна пайдаё инты луиз. «Удмуртлык» группаысь азьветлӥсьёс Сергей Максимов, Роман Романов, Алексей Емельянов но мукетъёс сое удмурт кылэ берыктӥзы.

«Удмуртлыклэсь» мукет проектъёсыз сярысь материалъёсты вотэсысь шедьтыны луэ. Нош Павел Поздеевлэн кичӧлтэмезъя, огинлэн историез — группае гожтыса кельтэм малпанъёс, споръяськонъёс — выль пьесалэн инъетэз луыса, удмуртъёслы сӥзем спектакль-вербатимын верамын луозы.

Удмурт Дунне
By Удмурт Дунне 12 ноября, 2012 13:25
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<