Кӧкы вадьсын удмурт гур

Удмурт Дунне
By Удмурт Дунне Ноябрь 30, 2012 10:38
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Кӧкы вадьсын удмурт гур

Ижысь Северьяновъёслэн семьязы

Куинь нунал ӵоже Ижысь удмурт семьяос нылпи садэ ветлӥсь покчиосынызы ӵыжы-выжыяськыны быгатэмзэс возьматӥзы.

«Ӵыжы-выжы» фестивалез радъязы удмурт нылкышно кенеш, Эшъяськон юрт но Ижысь город администрациысь покчиосты школалэсь азьло визьноданъя управление. Фин-угор калыкъёслэн сям-йылолъёсынызы, культураенызы тодматскон фестивале нылпиосынызы ӵош кыкетӥ арзэ пырисько ини анай-атайёс, бере кылемзы уг поты песянай-песятайёслэн но.

Удмурт нылкышно кенешлэн кивалтӥсез Надежда Степанова пусъемъя, куатетӥ фестивальлэн бурдъёсыз трослы паськытазы. Вожвылъяськонэ пыриськыны мылкыд кариз городысь 19 нылпи сад.

Воспитательын ужась Екатерина Вахрушева ньыль аресъем Костяез но куинь аресъем Кристинаез вӧзы кузпалызлэсь анайзэ Татьяна Романовнаез поттӥз. Вахрушевъёс синмаськытӥзы пӧраськыны быгатэменызы, кибашлы луэменызы. Мордва калыклэсь шудонзэ возьматыса, люкаськемъёсты но пӧлазы кыскизы.

Бадӟым семьяен потӥзы Борисовъёс. Удмурт луэмзэс усто возьматэм сяна, залын пукисьёсты комиос доры но вуттӥзы. Шонергес вераса, коми калык выжыкылэ. Нылпиосынызы но Рита внучкаенызы ӵош быгатонлыкъёссэс возьматӥзы песянай-песятайзы Любовь но Владимир Михайловъёс. Владимир Пантелеевич — удмурт радиожурналист но писатель.

Синмаськытӥз Северьяновъёслэн семьязы. Удмуртэн но шаплы кырӟазы-веразы, кыдёкысь ӵыжы-выжыосмес но быгатыса возьматӥзы. Арганэн шудэм но кырӟам сяна, Алексей куать аресъем Карина нылыныз фин эктонэз возьматӥзы. Анаезлэн кияз пукись укмыс толэзьем Даша шудон гырлыеныз жугиз, мар ке весь кырӟамъяськиз.

Калык азе та егит семья нырысьсэ потэм. Милемлы секыт ӧй вал дасяськыны, шуо Иринаен Алексей, нылпи садын ужасьёс но трос юрттӥськиллям. Кариналы пӧсьгес ӥӧтэм. Огдыре ик «Пичи «Зарни перепечын» Анна Плотниковаен кырӟаны дасяськиз, арняяз куинь пол эктонъя кружоказ но ветлӥз.

Северьяновъёс ог-огзэс шедьтӥллям Ижысь механикая заводын. Алексей али ужа ЖКХ удысын, нош Ирина нылпиен пуке. Пиналъёслы анай кылзэс гажан мылкыд пыӵатон понна таӵе ужрадъёс туж кулэ, шуо кузпалъёс. Нылъёсынызы соос вордӥськемзы бере ик удмуртэн вераськыны кутскизы, эшъёссы пӧлын ӟучезлы ӝог дышозы, пе.
«Ӵыжы-выжы» фестивальлы йылпумъян ортчоз 3-тӥ декабре Эшъяськон юртын.

Лия Малых

Туспуктӥз Владимир Беломорских

Удмурт Дунне
By Удмурт Дунне Ноябрь 30, 2012 10:38
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<