Вошъяськись мылкыд куре турлы кырӟан

Удмурт Дунне
By Удмурт Дунне 28 ноября, 2012 11:44
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Вошъяськись мылкыд куре  турлы кырӟан

Д. Загребин 

Адямилэсь мае кылзэмзэ тодӥд ке, со сярысь троссэ вераны быгатод. Уго кырӟан — йӧспӧртэм дунне, со усьтэ лулпушез, возьматэ, кыӵе тон адями. Крезьгур кинэн ке огазея яке кин ке бордысь палэнтэ, секыт дыръёсы юрттэ, мылкыдэз ӝутэ. Мае кылзӥськод, соин ик шокаськод…

Наташа Соломатова:
— Ӵемгес кылзӥсько 80-тӥ-90-тӥ аръёсысь кырӟанъёсты — соослэн пуштроссы мургес, чузъяськемзы улсын улонысьтым пӧртэм малпанъёс тодам лыкто. Алигес, кылзыны акыльтэмъёссэ ӵушылыса, пуки: отчы пыризы «Акула», «Вирус», «Фактор-2», «Мираж» группаос. Мар сюлэмам — со ик пелям но мед чузъяськоз кадь. Мылкыдыя «Log Doc» но «Домино». Али тани «Gangnam style» потэмын. Та дырлы туж кельше, но ӝоген уз ни… Туалаоссэ кырӟанъёсты верано ке, соосты одӥг-кык арня кылзӥськод но вунэтӥськод. Сюлэме уг пыро…

Саша Вагинов:
— Кырӟанъёс пӧлысь тужгес кельшо эктоно кадьёсыз, рэп но ӵем кылзӥсько. Удмуртъёсыз пӧлысь Д. Загребинлэн кырӟанъёсыз туж ярало, кылсярысь, «Яратонмы кысӥз». Мукетъёсыз усточиос пелям ӧз сюре на.

Валера Мартынов:
— Крезьгур — со дарт. Сюлмын секыт ке, кылзыны турттӥсько мылкыдме ӝутӥсьёссэгес. Бератаз ӟуч рэп туж кельшыны кутскиз — кылъёсыз пушкам шуккисько. Огъя ке верано, кельше тросэз, но кылзӥсько мылкыдыя. Вошъяськись мылкыды куре турлы кырӟан.

Наташа Анисимова:
— Яратоно ӧръёсы — попса но классика. Соиз но, таиз но сюлэмме капчиятэ. Удмуртъёсыз пӧлысь котьку чузъяське Н. Анисимовлэн «Тӧдьы кызьпуос» кырӟанэз.

Лёша Фёдоров:
— Яратӥсько кылзыны «Тонкая красная нить», «ГДР», «Любэ» группаослэсь кырӟанъёссэс но удмурт артистъёсты. Асьме егитъёс пӧлысь кельшо И. Белослудцев но Н. Анисимов.

Костя Васильев:
— Мон туж яратӥсько кырӟанъёсты, асме меломан шуысал. Бичетам маиз но ӧвӧл: рэп, секыт рок, яратон сярысь лирика, кунгож сьӧрысь крезьгур. Плейлистам ӵемысь чузъяське А. Чушъяловалэн «Кыџе чебер вылэм улон» кырњанэз. Вератэк уг лу «Amisowott» сярысь. Ӧйтӧд, тодысал меда таос сярысь, агае Рома Васильев группаын ӧй ке шудысал.

Надежда Рысьева

Туспуктӥз Владимир Беломорских

Удмурт Дунне
By Удмурт Дунне 28 ноября, 2012 11:44
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<