Трокай Борисовлы сӥзем фестиваль йылпумъяське

Эгра ёросысь «Ӟардон» фольклор ансамбль

Трокай Борисов нимо фестивальлэн фольклоръя но калык эктонъя номинациосын вормисьёсыз 1-тӥ толсуре Завьяловоын тодмо луозы. Удмурт лулчеберетъя конкурслэн финалаз тужгес но усто удмурт фольклор ансамбльёс пырисько: Эграысь «Ӟардон», Пичи Пургалась «Зарни шеп», Карамас-Пельгаысь «Инвожо», Вотка ёросысь «Забава», Ижысь «Чебеляй» но мукет коллективъёс.

8-тӥ толсуре 14.00 часын Удмурт театрын фестивальлэн вормисьёсыз гала-концерт возьматозы но кузьымъёс басьтозы. Ужрадын тодмо лоз, кыӵе муниципал кылдытэтлэн дасям программаез фестивальлэн Гран-приеныз данъямын луоз.