Пу коркаос уз луэ

Удмурт Дунне
By Удмурт Дунне 23 ноября, 2012 06:09

Пу коркаос уз луэ

Ижысь Карл Маркс но Карл Либкнехт ульчаос сэрегын сылӥсь вуж пу коркаос матысь дыре куашкалозы.
Чакламын сэрттыны 8 юртэз. Таяз арняе огез корка куашкатэмын ни.

Вуоно тулыс чакламын Карл Маркс урамез паськытатыны. Соку машинаос центре быгатозы кык радэн ширтыны. Нош Ленин но Карл Маркс сюрес вожын пуктыны чаклало светофор.

Но малпам ужъёс ӝегаса мыно. Вуж юртъёслэн кузёоссы соглаш уг карисько город администрацилэн ӵектэм дуныныз. Азьвыл чакламъя, пу коркаосты куашктон сӥзьыл ик йылпумъяськыны кулэ вал.

Городысь пу юртъёслэсь мозмытскоз Пушкинской ульча но. Город администрация вадьсын выль микрорайон ӝутскоз. Татын луозы ӝужыт коркаос но офислы чаклам юртъёс. Озьы ке но та музъем вылын али трос интыяськемын нимаз кузёослэн юртъёссы — соос ог 40 пала. Город кивалтӥсьёс азьвыл ик ивортылӥзы, татын выль лэсьтӥськон мытыны уг яра шуыса. Озьы ке но куд-огез выль коттеджъёс но ӝутыны дӥсьтӥзы.

«Север» микрорайонлы чаклам интыысь музъем понна кузёослы коньдон ӵектозы. Объектъёсты но музъемез дунъясь компаниос котькудӥзлы нимаз дун пуктозы. Муниципалитетлэн ӵектонэз кузёлы ӧз ке кельшы, со быгатоз мукет дунъясьёслы вазиськыны. Город но юрт кузё огкыл шедьтыны ӧз ке быгатэ, зэмлыкез утчалозы судысь. Озьы ке но кӧня кыстӥськоз та уж, кӧня музъем нырысь ик басьтэмын луоз — ивортӥсь ӧвӧл на. Нялтас вераса, Карл Маркс ульчаысь 8 юрт кузёосын огкыл утчан ар ӵоже мынэ ни.

Елена Скворцова

Туспуктэмез: susanin.udm.ru

Удмурт Дунне
By Удмурт Дунне 23 ноября, 2012 06:09
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<