«Пичи перепеч» — зарни Женялы

Удмурт Дунне
By Удмурт Дунне 27 ноября, 2012 09:47
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

«Пичи перепеч»  — зарни Женялы

Геннадий Ганьков но Женя Баранов

Удмурт ужрадъёсты ортчытъя «Зарни перепеч» центр но «Мынам Удмуртие» телеканал выль амалэн концерт пуктӥзы: Удмурт театрлэн сцена вылаз пичиос удмурт эстрадалэн кизилиосыныз дуэтэн кырӟазы.

«Пичи «Зарни перепеч» крезьгуро конкурсэ пыриськем нылпиос Ижкарын уло, Кузебай Герд нимо гимназие но Кузебай Герд нимо нылпи садэ ветло. Кыкез палэнысь вуэмын: Мария Агафонова — Воткинскысь Юлия Романова — Пичи Пурга ёросысь Пуро-Можга гуртысь.

Та ӝытэ трос пичи пияшъёс пиштӥзы. 10 аресъем Тимофей Черепановлэсь но егит кырӟасьлэсь Богдан Анфиногеновлэсь усто дуэт пӧрмиз. Богданлэн баритонэз но Тимофейлэн жингрес нылпи куараез чебер чузъяськизы. Тима крезьгуро семьяын вордскем: анай-атаез Дэри ёросысь Хохряки посёлокын крезьгурлы дышето, сузэрез но кырӟаны яратэ. Но пияш вормисьёс пӧлы ӧз сюры — кырӟанэз ӟуч кылысь берыктэмын вал.

Та ӝытэ мукетызлы кизили воректӥз — зарни йырсиё муспотон пияшлы Женя Барановлы! Ачиз Геннадий Ганьков солы кырӟан но гожтӥз, концертын арганэн шудӥз! Споръяськыны луысал кырӟанлэн пуштросэз пумысен. Со уг тупа нылпи кырӟанлы: трос нылъёс верало пияшлы синмаськемзы сярысь, нош со кинэ бырйыны пайме. Но Женялэн жингрес куараез но сцена вылын чебер воземез жюриослы кельшиз.
Женя дышетске Кузебай Герд гимназиын, анай-атаез Кияса ёросысь Вуж Салья гуртысь. Пияш понна висьыны концертэ Сальялась ӵыжы-выжыосыз вуизы. Песятаез Юрий Петрович шуиз: куинь устоез пӧлы одно ик пыремезлы оски. Озьыен, «Зарни перепечлэн» кузьымез нош ик Кияса палъёсы кошкиз: «бадӟымаз» «Зарни перепечын» Николай Анисимов вормиз вал.

Йылпумъянъёс лэсьтыку, Андрей Ураськин, «Дэмен» огазеяськонлэн тӧроез шуиз: таӵе конкурсэ вуоно арын но одно ик ёросъёсысь нылпиосты кысконо. Концертэ Ижысь нылпиос пыриськизы бере, учкисьёс но Ижысьгес лыктэмын вал. Билетъёс шугенгес вузаськизы, нылпи концерт понна соос дуногес вал.

Туспуктӥз Станислав Степанов

Удмурт Дунне
By Удмурт Дунне 27 ноября, 2012 09:47
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<