Нимыз-данэз вунонтэм

Удмурт Дунне
By Удмурт Дунне Ноябрь 16, 2012 18:13

Нимыз-данэз вунонтэм

Удмуртиысь калык художник А. Русских

14-тӥ ноябре улонэз куспетӥ луиз Россиысь дано суредасьлэн, Удмуртиысь калык художниклэн Анатолий Тихонович Русскихлэн.

Вордскиз со 1937-тӥ арын 30-тӥ июле Ува ёросысь Выль Мултан черкогуртын. 1966-тӥ арын йылпумъяз Удмурт кун университетысь (соку институтысь) суредан факультетэз. Искусство удысэ сюрессэ кема утчаз, будэтӥз быгатонлыкъёссэ, нош 1974-тӥ арысен кутскыса, ужъёссэ возьматъяны кутскиз ни Россиын но Удмуртиын ортчылӥсь адӟытонъёсын. Уката мур адӟылӥз-шӧдылӥз со инкуазьлэсь, вордскем палъёсызлэсь паймымон чеберзэс.

Суредаськонлы сяна, А. Русских трос дырзэ сӥзиз общественной ужлы. Удмуртиысь Суредасьёслэн огазеяськонзылэн ёзчиез вал, 1987-тӥ-1989-тӥ аръёсы соин кивалтӥз. Висъяськылӥз ӵош ужась эшъёссэ дунъяны быгатэменыз. 1987-тӥ-1992-тӥ аръёсы Россиысь Суредасьёслэн огазеяськонзылэн правленияз бырйылэмын вал.

Берло аръёссэ Анатолий Тихонович улӥз вордскем палъёсаз, ужъёссэ кузьмалляз интыысь музейлы. Одӥгзэ адӟытонзэ усьтыкуз, А. Русских шуиз: «Живопись — мынам адӟонэ. Быдэс улонме сӥзи солы». Со зэмзэ но озьы вал. Суредаськон искусство удысын яркыт пытьы кельтӥз, солэн ужъёсыз возисько пӧртэм музейёсын. Иське, нимыз-даныз ноку уз вуны.
Матысь адямиосызлы но ӵыжы-выжыосызлы мур куректэмзэс верало Удмурт Республикаысь Культурая, печатья но иворъёсъя министерство, Удмуртиысь Суредасьёслэн огазеяськонзы, УдГУ-ысь Искусствоосъя но дизанъя институт, Удмуртиысь суредаськон искусствоосъя музей.

Удмурт Дунне
By Удмурт Дунне Ноябрь 16, 2012 18:13
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<