Мискинь Костолани

Удмурт Дунне
By Удмурт Дунне 21 ноября, 2012 10:51

Мискинь Костолани

Дэжё Костоланилэн веросъёсыз удмурт кылын «Веросъёс» нимаз книгаен потэмын ини ке но, «Ӟуч» вероссэ тупатъятэк печатланы ӧм дӥсьтэ, лыдӟисьёс азьын возьыт медаз луы шуыса. Озьы но кырыж интыосыз трос ай.

Мукет веросъёссэ учконо ке, берыктӥсь Елена Родионова лыдӟисьёс понна зэмос йыртӥян дасям. Кылсярысь, мае валаны луэ, тае лыдӟыса? «Шунды шорын ӟозъёс чикырто. Воргоронъёсмы вылтӥ вулэн ческыт пыкмем зыныз но лӧсъяськиз ини, куштӥськем пыласькон инты но адскыны кутскиз, нош Шухайда ялан пал кыл но уг поттылы.

Пыласькон интыез чаклась Иштэнэш кышно, кудӥзлэн кымыс азьтӥз йырсиез горд кышетэн керттэмын вал, воштӥськон висъетъёссэс усьтӥз…» («Пыласькон».)

Кинлы ке пыкмем зын ческыт потэ ке, ярам ини. Но кызьы зын лӧсъяськоз мугор вылтӥ? Иштэнэш кышно — со, пе, Иштэнэш воргоронлэн кузпалыз. Но со Иштэнэшлэн одӥг гинэ кышноез ӧвӧл, лэся. Кыкетӥез ветлэ, вылды, сьӧд кышетэн, куинетӥез — лызэн… Та выллем малпан кылдэ «кудӥз» союз бордысь — со предметъёс пӧлысь огзэ висъя. Со сяна, вуэмын ӟуч кылысь но удмуртлэн нуналмысь вераськоназ уг кутӥськы. Венгриысь Вавожаз бертыса, Родионова анаезлы но шуоз меда: мон мӧзми шыдлэсь, кудӥз сӥлен пӧзьтэмын…

Веросъёсты лыдӟыса, ӵемысь валамысь дугдоно, кин кытын ку ма каре. «Пали со куспын одӥг стакан ву юиз, кизьнӥз, кызйиз, нош ик яратоно атае гожтӥз но нош ӵушылӥз. Выль кагаз кутӥз, кудӥз гожмамтэ чылкытлыкеныз, янгыше уськытыса кадь, шораз дол учке. Иземез потыса вушйылэ». («Дорысь уж».) Бумага вушйылэ? Яке Пали нимо пияш ик-а? Соку берпуметӥ предложениысь глаголэз ортчем вакытын ик гожтоно: «Пали иземез потыса вушйиз».

Эшшо таӵе люкет: «Висъетэ пырыкуз, висись ымныраз омыр пыртӥсь гумыен кулэм кадь тӧдь-тӧдь вал. Льӧльмыт шобретэн шобыртэмын. Вирыз, сӧсырмем интыосыз уг адско. Эфир но йод зын вӧлмемын вал. Котыраз кык сестраос выризы. Эмчи, сюлэм жугиськемзэ чакласа, кӧня ке возьмаз, собере укол пуктӥз». («Супыльтон».) Та люкетэз валано тазьы: «Лола палатае пырыку, картэз кулэм кадь тӧдь-тӧдь кылле вал, ымныраз — омыр пыртӥсь гумы. Льӧльмыт шобретэн шобыртэмын. Вирыз, сӧсырмем интыосыз уг адско. Котыраз кык сестраос бергало. Эфир но йод зын вӧлске. Эмчи, воргоронлэсь сюлэм жугиськемзэ чакласа, кӧня ке возьмаз, собере укол пуктӥз».

Удмурт кылын «женский, мужской, средний род» валатон ӧвӧл, «со» местоимение возьматэ нылкышноез но, воргоронэз но. Филология факультетэз йылпумъям Родионова тае лыдэ уг басьты, соин сэрен валамысь дугдоно, кин ма каре.

Д. Костоланилэн веросъёсыз мур возьмато адямилэсь пуш дуннезэ, витьымтэ шорысь йылпумъясько. Но сое быдэсак валаны секыт. Берыктӥсь удмурт кылэз ӟеч тодымтэеныз, кылэз шӧдымтэеныз сэрен глаголъёсты дырзыя сура, ӟуч кылысь оборотъёсты пыртэ, калькаосты кутэ. Малпасько, венгер литературалэн классикез, улэп луысал, удмурт кылэз валасал ке, веросъёссэ сыӵе кижи-кожи берыктэмлы шум ӧй потысал.

Дэмласько тодматскыны (лыдӟыны шуыны ым уг пыры) Родионовалэн берыктэмъёсыныз — кызьы ӧвӧл берыктоно шуыса валан вылысь. Ойдолэ 21-тӥ даурысь удмурт литератураез Ашальчи Окилэсь азьвыл вакытэ ум берыктэ.

Ольга Вахитова 

Удмурт Дунне
By Удмурт Дунне 21 ноября, 2012 10:51
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<