Малы пегӟиз Чайковский

Удмурт Дунне
By Удмурт Дунне Ноябрь 28, 2012 10:22

Малы пегӟиз Чайковский

Тодӥсько, «Дарт» гурт сярысь ӧжытгес гожъя. Кытчы пырод: егитъёс городэ кошко, татын огазеясько, ӵош ӵыдэтско-ужало, позыръяськонъёсы потало. Ижын кылдэ аспӧртэм егит удмурт элита.

Соос удмурт дунне шоры мыным дунне, мыным маке шат шуыса уг учко. Ӵапак сыӵе адямиос понна ужам, соос сярысь гожъям потэ. Ижкарез но каллен удмуртомытӥськом ини. Уд ке оскиське, толалтэ Шор карлудэ лыктэ: одно ик гусъяське гурысь али поттэм перепечен.

Котькуд адямилэн аслаз будон «секретъёсыз» вань, соослэсь со пегӟыны, вунэтыны тырше. Пичи гуртаз парта сьӧрын пукыкуз, пурысь шыр вал ке, табере — шаплы журналист, блоггер но туспуктӥсь. Городын нокин но уг тоды, кызьы со бадӟым классъёсын возьдаськыса гын сапеген ветлӥз. Мурт интые выжыса, эрико луиськод.

Аслам но куддыр пегӟеме потэ. Ижкар — сыӵе ик гурт. Татын ваньзэсты тодӥсько кадь йӧтэ. Жади «удмуртлык ӝутон» ритмлэсь. Удмурт дискотека, удмурт концерт, гуртэ потон, «Чеберай», гожтӥськон… Ма, та воксё… пятилетка кадь ук! «Удмуртлык-2030: пайдаен, асьме калыклы». «Ӝутом коммунизмез …-тӥ арлы!» кадь чузъяське.

Кыл кутонэд бадӟым ке, чырты сьӧрад пуксисез сюроз. Бадӟым городэ шонтысал — эрико омырен шокчыны. Алигес Москвае «Чайковский одобряет!» ужрадэ ветлӥ. 10-тӥ шуркынмонэ «16 тонн» клубын Удмуртиысь диджейёс шудӥзы. И мар тӥ малпаськоды — шудыны потӥ гинэ, сцена азе удмуртъёс люкаськизы, удмурт куншетэн «Да-ра-ли! Да-ра-ли!» шуыса кесяськизы. Сюлэмез вӧям кадь. Шумпотоно. Отын удмурт луэмед соослы — праздник.

Оло, со понна ик пичи гуртысь бадӟым каре ышоно — вордскем музъемдэ эшшо золгес дунъяны дышетскон вылысь? Визь дуре кошкись мурт ас паръёссэ утча. Сотэк уд будэты тодон-валанъёстэ, уд шедьты дунъясьёсты. Чайковский но малы ке Воткинскысь пегӟиз ук.

Дарали Лели

Удмурт Дунне
By Удмурт Дунне Ноябрь 28, 2012 10:22
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<