Малы бӧрдэ скал?

Удмурт Дунне
By Удмурт Дунне Ноябрь 14, 2012 13:15
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Малы бӧрдэ скал?

Конъюнктивит тужгес ӵем лякиське скалъёс но кунянъёс борды

Скаллэсь синъёссэ, адямилэсь кадь ик, утялтоно. Сотэк пудо черланы быгатоз конъюнктивитэн. Вань на эшшо кышкытгес висён — телязиоз. 

Сюролэн синъёсысьтыз куд-ог дыръя маке быдӟа синкылиос усьыло. Малпаськомы: ортчоз ай. Жуг-жаг пыриз яке тӧл шуккиз, дыр. Тазьы одӥг-ог асьмемыз но буйгатӥськомы ук. Тодамы ик уг лыктылы, скал воксё сукыр кыльыны быгатоз шуыса.

Синвуаськон — конъюнктивитлэн нырысетӥ тодметэз. Рос-прос чакласькиды ке, мукетсэ но адӟоды: синмыз гордэктэмын, пожаськемын, синкабакыз тӧрнамын, котыраз ур люкаськемын. Со сяна, сюро югыт азьын мальдэ, мылкыдтэк сиське, йӧлыз 30-50 процентлы кулэсме.

Зэм, конъюнктивит кутскыны быгатэ пӧртэм животъёс борды: парсь, ыж, пуны. Но тужгес ӵем со лякиське скалъёс но кунянъёс борды.

Мукет мугор люкетъёсты сярысь, синэз эмъяны тужгес шуг. Йырвиымлы матын интыяськемын со — котыраз укол пуктыку, туж чакласьконо. Та сяна, синкӧльыын (хрусталик) но роговицаын вирсэръёсыз ӧвӧл. Озьыен, син пушкы рос-прос пыӵаны уг быгато куд-ог эмъюмъёс.

Туала арын черен нюръяськыны юрттэ суифет нимо препарат. Тазэ скаллэн син улаз но син вылаз пуктылоно. Со сяна, синмаз тыроно на тетрациклин мазь. Соиз но, таиз но ки улады ӧвӧл ке, ӟеч юрттоз курегпуз. Курегпузлэн тӧдьыяз туж трос ӟеч веществоосыз: протеин, углевод, глюкоза, лизоцим, В витамин но мукетъёсыз. Курегпузлэсь тӧдьызэ 5 процентъем новокаинэн сурано. Ӵапак со суретэн ик скаллэсь синзэ нуналлы кык-куинь пол ӵушылоно.

Новокаин ӧвӧл ке, 0,25 литр быректэм ву но яралоз.  Рос-прос суралэ но ӝыны часлы шуныт азе пуктэ. Собере пудолэсь синзэ зыралэ. 20-30 минут ортчыса, синзэ миське шуныт чылкыт вуэн.

***
Сыӵегес ик тодметъёсыз телязиоз черлэн но. Соин ик куд-огез пудозэ конъюнктивитлэсь эмъяськом каро, нош сюролэн синмыз урӟектэмысь но синвуаськемысь нокызьы уг дугды. Ма, кызьы дугдоз? Синкабак улаз уло-кисьмало уго мырдэм адӟиськись нумыръёс. Соосты отчы пузаса кельтӥзы жоб кутъёс.

Туж шер дыръя пудолэн аслаз ик кужымыз тырме со нумыръёслэсь мозмытскыны. Но тае возьманы кулэ ӧвӧл — эмъян борды кустконо. Нырысь ик тодоно: зэмен ик синкабак улаз нумыръёс интыяськемын яке конъюнктивит луэмын? 50 миллилитръем шприце кыске 2-3 процентъем борной кислоталэсь суретсэ. Ӵапак сое пызъёно синкабак улаз. Синмысьтыз собере пызьыраса потӥсь вуэз ӟизатоно пеймыт посудае я сьӧд мучолое. Ӵапак отысь адӟиськозы тӧдьыалэс нумыръёс.

Нумыръёсты быдтон понна кутыны луоз 1 процентъем хлорофослэсь суретсэ. Мыноз йодэн сурам ву но. Соиныз но, таиныз но скаллэсь синзэ нуналаз 2 пол ке но миськылоно. Синкабак улэ лэзьяно ихтиоллэсь 3 процентъем эмульсизэ. Мыноз чорыг вӧй вылын лэсьтэм лизол но. Тазэ но, созэ но 2-3 миллилитрен нуналаз 3 пол синкабак улэ тыроно, кык нунал вис карыса. Эмъюм лэзем бере синкабаксэ, каллен зӥбыса, маялляно.

Та препаратъёс огез но уг юртто кадь ке, кужмогес эмъюм борды кутскытэк ӧвӧл. Кылсярысь, ӟеч юрттэ локсуран. Солэсь суретсэ скаллэн чыртыяз пуктоно. Со сяна, сиён пушказ тыроно ринтал.
Ки улады таос пӧлысь номыр но ӧвӧл ке, 1 бадӟым пуньы сакырез, пызьлы пӧрмытозяз, пыргытэ. Ӵапак сое пельтоно синкабак улэ. Пайдаез шӧдӥськиз ке но, пудо эмъясез дорады одно ӧтчалэ — мед эскероз.

Вань та эмъюмъёс нумыръёсты быдтыны юртто. Огезлэн но кужымез ӧвӧл син адӟонэз умоятыны. Соин ик урӟектонзэ но гордэктэмзэ быдтыны юрттӥсь эмъюмъёсты уже кутыны кулэ, кылсярысь, тетрациклинэз. Сотэк пудо сукыр кыльыны быгатоз.

Арняяз кык пол ке но пудолэсь синъёссэ кот чылкыт мучолоен ӵушылоно, ныр палаз карыса. Гидын тӧл шула ке, пасьёсты ворсаны сюлмаськоно. Котыр лобась кутъёсты дихлофос кадьёсын быдтоно. Пудоез йӧн-йӧн но пӧртэм витаминъёсын сюдыны жадёно ӧвӧл. Соку сюро нокыӵе черлы уз сётӥськы, йӧлзэ но уз жаля.

Екатерина Михеева,
пудо эмъян наукаосъя
кандидат

Удмурт Дунне
By Удмурт Дунне Ноябрь 14, 2012 13:15
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<