А. Пушкин. В. Климов. Р. Миннулин. М. Лермонтов. Кылбуръёс

Удмурт Дунне
By Удмурт Дунне 21 ноября, 2012 15:51
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

А. Пушкин. В. Климов. Р. Миннулин. М. Лермонтов. Кылбуръёс

Александр Пушкин

Гажан эше!
Шудэд тонэ алдаз ке,
Эн чигиськы, эн бӧрды.
Секыт нунал лыктӥз ке,
Чидатӥськы, оскиськы:
Куддыр вапум секыт ке но,
Азьлапалан ӟеч нуналъёс.
Ваньмыз ортчоз,
ваньмыз кошкоз —
Ортчем вапум мусо потоз.

Ӟуч кылысь берыктӥз Ашальчи Оки 1918-тӥ арын.

***

Василий Климов

Италмас

Пумитам лек сильтӧл пелляку,
Синъёсме лымыен ӵоксаку,
Малпанам тон
мусо мынектӥд
но лябӟем кужымме будэтӥд.

Ву вылын лек тулкым куашетӥз,
Йыроми, ярдурме
мон ыштӥ.
Со вакыт ӵуж тылын тон югдӥд
но шонер сюресме возьматӥд.

Каракум шаерын
тузонэн
Шоканме но лулме кекатӥз.
Со вакыт но малпай
мон тонэ,
Секытэз вормыны быгатӥ.
Тон мынам ӵуж пичи шундые,
Тон котьку но монэн,
мусое.
Мурт палан я дорам улӥсько —
Тон котьку но монэ шунтӥськод.

Коми-пермяк кылысь берыктӥз Н. Байтеряков 1981-тӥ арын.

 ***

Роберт Миннуллин

Акшан
Акшан…
Акшан…
Нунал ортчиз,
Ӧз ву на уй.
Ортчем нуналлэн
югыт синъёсыз
Жадем тусъёсын
учкыло шорамы.
Акшан…
Акшан…
Ышиз югыт,
Нош мар меда ваёз
пеймыт?
Мӧзмыт пальпотыса,
Таре учко ни шорамы
Сьӧд синъёсыз
пеймыт уйлэн.
Акшан…
Акшан…
Инме вужеръяське бадӟым пилем —
Толэзь уз ӝужа алиен.
Кин ке адӟоз та
акшанысь
Юг нуналэз мырдысь*.
Нош мукетыз —
пеймыт уез кӧкыысьтыз.
Акшан…
Акшан…
Котыр ёросъёсы
Вӧлске ӝомыт
тулкым…
Сюлмы!
Ӝоггес тон арат ни тылпу,
Акшанъёсты югдытъяса.
*мырдысь — мырдэмысь, мырдэм (шор вераськетысь)

Бигер кылысь берыктӥз В. Ар-Серги 2004-тӥ арын.

***

Михаил Лермонтов

К***
Тырмоз, уг йыбыртты тыныд;
Ӟечен вазёд я лек кылын —
Лул-сюлэмы улоз
чалмыт.
Тод: мурт луим
ог-огмылы.
Тон вунэтӥд: мон эрикме
Ноку уг сёт пӧяськонлы;
Туж трос быдтӥ
мон аръёсме
Пальышедлы, синъёсыдлы;
Тон бордысьтыд
укыр кема
Адӟи егит дыр осконэз,
Вань дуннеез адӟонтэмай —
Мед яратом тонэ золгес.
Оло, со дыр-вакытъёсты,
Куке пуки мон пыд азяд,
Тырмытысал кылбуръёсын!
Нош интыяз тон мар дасяд?
Оло, вылӥ малпан гизьы
Я лул кужым-а югдылон —
Мон дуннелы пӧртмо
кузьым
Сётсал, нош со —
пумтэм улон!
Тон шыпыртӥд
ненег амал:
«Мон дуногес но матысьгес»;
Малы нырысь сыӵе ӧй вал,
Кыӵе луид тон бӧрысьгес!
Йӧно мон! —
эн вайы вождэ!
Мукет муртэ тон яраты;
Мыным инбам озьы гожтэм:
Ноку уг сыл ляльчи радын.
Мурт гурезьёс,
лымшор инбам
Монэ, оло, саюлтозы;
Чаляк гинэ уз чигы на
Кусыпъёсмес
герӟась гозы.
Но, вайыса ческыт мӧле,
Ваньзэс кылын мон пӧртмало;
Уз быгыльскы
синкылие,
Мон ваньмыныз
серекъяло;
Мон пӧяло
кырмышъятэк,
Яратонлэсь уг
кылзы чик, —
Шат гажалод
кышномуртэ,
Куке вузаз монэ
кылчин?
Мон кулонлы,
вӧсьлы вал дась,
Дунне пумит
ожмаськыны —
Вольыт кияд —
асме алдась! —
Мед вуттысал йӧтӥськыны!
Мон, тодытэк
лек вузандэ,
Лулме сётӥ
вань басьтымон;
Шат со луллэсь
ӧд тод дунзэ?
Тодӥд — тонэ
ӧй тоды мон!

Ӟуч кылысь берыктӥз С. Матвеев 2008-тӥ арын.

Удмурт Дунне
By Удмурт Дунне 21 ноября, 2012 15:51
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<