Кузёбай калык TV возьматэ

Удмурт Дунне
By Удмурт Дунне 28 ноября, 2012 12:36
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Кузёбай калык TV возьматэ

Алнаш ёросысь Кузёбай гуртысь Саша Кузьмин

Егитъёс ваньмон дыръязы оломар но малпаса-лэсьтыса вуо. Кин компьютер удысын визь пог луэ, мукетыз дӥсь вуре-керттэ, куинетӥез ульчаосты чеберъя… Нош Алнаш ёросысь Кузёбай гуртысь кык Сашикъёс «ВКонтакте» сайтын кылдытӥзы вордскем гуртсылы сӥзем группа.

«Кузёбай Калык TV» группаез vk.com/kuzkalyktv адресъя шедьтыны быгатоды. Группа таяз аре 13-тӥ толшоре вордӥськиз. Татын — тунсыко малпанъёс, серемес веранъёс. Соосты кылдытон понна сюлмасько кык Сашикъёс-пияшикъёс: Кузьмин но Андреев. «Атаез» но кылдытӥсез — Александр Андреев. Со малпанзэ Кузьмин эшезлы вераз, Саша «мар но со замечание лэсьтӥз» но, та дырысен соос огинзэс ӵош нуо. Шонер вераны — нуо вал. Андреев витетӥ толэзьзэ ини армиын. Татчыозь дас выпуск потӥз ини. Группаын ваньмыз удмурт кылын гожъямын. Алнашъёс лэсьто ук!

Малы группа «Кузёбай калык TV» нимамын?
— Татын котькуд кылзэ ас понназ валэктоно, — вера Саша Кузьмин. — Кузёбай калык — малы ке шуоно, гурт калыкмес данъяса, гожъяськом, нош TV — выпускъёс поттон понна. Пырисько группаямы Кузёбайын улӥсьёс. Выпускъёс верало пиналъёс сярысь, мар соос малпало улон, кунмы, политика пумысен. Ваньмыз мед умой луоз кадь — яратон но ог-огдэ гажан нырысетӥ интыын! Валтӥсь малпанмы — ужмы учкисьёслэсь серемзэс мед поттоз.

Паллянысез — Саша Андреев

Кузёбай пиос темаос ласянь кема малпаськыса ӧз кылле. Группалэн бамаз верамын: «Нырысетӥ TV, кытын нокыӵе но иворъёс ӧвӧл! Татын тунсыко но серемес суредъёс, выпускъёс, малпанъёс». Пуштросэз та группалэн турлы буёло возь выл кадь ик: маиз но ӧвӧл. Но ваньмыз возьматэмын ирония пыр — урод, тышкаськон кылъёсты пиос уг пыртыло. Гуртсылы туж умой реклама мынэ. Кылсярысь: «Кузёбай нылпиос сок юо» — пичи гинэ пияш трубочка пыр арбузлэсь вузэ кыске. «Кузёбай ыжъёс — сиён сярысь» — куинь ыжъёс верало, мар соос малпало пудоез сюдон ласянь.

Со сяна, удмурт кылбуръёслы но инты вань. Ӵем дыръя Сашикъёс Флор Васильевлэсь чуръёссэ басьто. Визьмо адямиосыз но цитировать каро: «Адями уг кулы, со ачиз ассэ каллен вие. Сенека, Римысь философ».

Пиос яратон сярысь но верало — кызьы сотэк. Суредъёс но туж тунсыкоесь. Куддыръя кытысь ке басьтэмын луо, куд-огез юри лэсьтэмын: Кузьмин яке бадӟым синъёсын торт шоры учке, яке кияз бензопила кутэ, яке кык мар ке быдӟа ик ӵужкушманъёсын бакчаяз сылэ. Андреев али кыдёкын бере, эшез ваньзэ огназ лэсьтэ.

Мынам малпамея, пияшъёс — ӟечокъёс. Сашикъёс ас калыксы сярысь верало, соослэсь гожъямъёссэс комментировать каро асьсэос ик кузёбайёс, озьы ик серем пыр.
Кузёбай пиналъёс дырзэс тазьы ортчыто, нош тӥ кызьы шутэтскиськоды? Вань-а тӥляд асьтэлэн гурт TV-ды?

Наталья Клабукова

Удмурт Дунне
By Удмурт Дунне 28 ноября, 2012 12:36
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<