Куарамы кыдёке уг кылӥськы

Удмурт Дунне
By Удмурт Дунне 28 ноября, 2012 11:00
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Куарамы кыдёке уг кылӥськы

Надежда Сапожникова PiloramaLab форумын

Надежда Сапожникова — удмурт егитъёслэн «Шунды» огазеяськонзылэн правлениезлэн ёзчиез, Кузебай Герд нимо нылпи садысь удмурт кылъя дышетӥсь.

Вордӥськемын та етӥз нылаш Алнаш ёросысь Туймыйыл гуртын.

— Надя, кытын но ку тон тодматскид «Шунды» огазеяськонэн?

— 2008-тӥ арын, Можга педколледжын дышетскыкум, Марина Карпова-Прозорова тодматӥз. Можгаын ортчиз огазеяськонлэн паськытатэм правлениез, соку ик пыри «Шундые».

— Ньыль ар пыриськиськод ни солэн ужаз. Нырысетӥ арзэ — правлениын. Кыӵе проектъёс бордын ужаськод?

— Выль проектъёс дэмланы али уг быгатӥськы, мон дась ӧвӧл соос борды басьтӥськыны. Дыры луиз ке, одно ик та пумысен малпасько. Нош та дыре ужан проектъёсы покчи нылпиосын, нылпи садэн герӟаськемын.

— Маиз уг кельшы «Шундылэн» ужаз?

— Мон малпамъя, «Шунды» ас куспаз, ас понназ ужа, егитъёсты сьӧраз валтыны уг быгаты. Тросгес саклык висъя школаын дышетскисьёслы, нош ужась егитъёс палэнэ кылемын.

— Маин соку тонэ бордаз возе?

— Огазеяськон юрттэ быгатонлыкъёсты волятыны, кусыпъёс тупатыны, удмуртлыкен эшъяськыны.

— Туннэ нуналлы удмуртлыкез азинтон котырын трос выль малпанъёс, проектъёс. «Шунды» ышемын-а соос пӧлын?

— Выль проектъёсыз «Шундылэн» трос. Удмуртлык пӧлын огазеяськонмы ышемын ӧвӧл, малпасько. Но солэн куараез кыдёке уг кылӥськы, проектъёс бордын ӟечгес ужано, соку «Шунды» вылэгес ӝутӥськысал.

— Эшшо маин выриськод на?

— Вань дырме сӥзисько нылпи садлы, отысь проектъёслы. Соин валче ваньмон дыры чик ӧвӧл.

— Бордад котьку но трос адямиос. Кызьы ваньмыныз огкыл шедьтыны быгатӥськод?

— Мон котьмаин но тунсыкъяськисько, со пыр ик трос эшъёс шедьтӥсько. Собере мон психологлы дышетскисько, адямиез ӟечгес тодон понна котькудӥныз кусып возьыны турттӥсько.

— Удмурт лулчеберет тыныд матын-а?

— Удмурт Элькунын улӥсько ук, туж гажасько калыкелэсь лулчеберетсэ но, кылзэ но. Дышетӥсь луи бере, кык поллы шумпотымонгес пиналъёсты удмурт кыллы дышетыны, соослы удмурт лулчеберетэз гажан мылкыд пыӵатыны.

Марина Федосеева

Туспуктӥз Мария  Золотарева

Удмурт Дунне
By Удмурт Дунне 28 ноября, 2012 11:00
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<