Котькуд минут — пайдаё

Удмурт Дунне
By Удмурт Дунне 2 ноября, 2012 07:02

Котькуд минут — пайдаё

Дышетӥсьёс С. Ильина, Е. Гаврилова но Е. Михайлова

Элькунысьтымы Дышетӥсьёслэсь тодон-валанзэс будэтонъя институтысь удмурт филологияя но анай кылъёсъя кафедра усьтӥськем дырысен 25 ар тырме. Таин валче Ижын толон бадӟым конференция ортчиз.

Ужрадэ люкаськылӥзы удмурт кылэз но литератураез эскерись тодосчиос, анай кылъя но литературая дышетӥсьёс, воспитательёс, ватсаса тодон-валан сётон удысын тыршисьёс. Куноос вуылӥзы артэ башкир но бигер улосъёсысь. Ӟечкылан гожтэтъёс ыстӥзы фин-угор дуннеысь кылчиос. Угось 25 ар куспын та кафедра ассэ котыр ласянь ӟечен возьматӥз ни, со одӥг кыткетын тырше мукет улосъёсысь, кунъёсысь  пӧртэм кафедраосын.

— Та кафедра милям азьлане валтӥсьмы луэ,  — верало бигер улосысь Сарсак-Омга школаысь дышетӥсьёс Елена Гаврилова но Ольга Широбокова. — Соин радъям вань ужрадъёсы-конкурсъёсы пыриськыны тыршиськом, Удмуртиысь эшъёсмылэсь палэнэ медам кадь кыле. Нылпиосмы Удмуртиысь огъёзъёссы пӧлын чик но лябесь уг адӟисько — талы туж шумпотӥськом. Берлозэ диплом басьтӥм «Зарни кылчур» ӵошатсконын — пиналъёс инкуазьлы сӥзем сочинение гожъязы.

Елена Ивановна но Ольга Николаевна кыксы но Удмурт шаеры вордскемын но будэмын. Соин ик Дышетӥсьёслэсь тодон-валанзэс будэтонъя институтэз ас сяменызы ярато — отчы лыктыны муг сюре ке, иське, нош ик дор палъёсынызы адӟиськозы, удмуртлыкен гадь тыразы шокчозы…

Пичи Пурга ёросысь Норья школаысь удмурт кылъя но литературая дышетӥсь Анна Эжбаева итӥське:
— Уката кельшо та кафедраен радъям тодон-валанъёсты будэтонъя курсъёс. Берлозэ ветлӥ выль стандартъёсты пыӵатонлы сӥземъёсаз. Кафедралэн кивалтӥсез Андрей Клементьев туж тунсыко лекциос лыдӟиз, занятиос ортчытъяз. Одӥг минут но отын пайдатэк уг ортчы…

Пичияк юбилейзэ но кафедра огшоры шулдыръясько-нэн-ӟечкыланъёсын гинэ ӧз ортчыты. Дышетӥсьёс понна со пайдаё мед луоз, пе. Озьы ужрадэ люкаськемъёс сэрттӥзы-пертчизы тужгес сюлмаськытӥсь ужпумъёссэс, устоосыз визьнодасьёс мастер-классъёс возьматӥзы.

Элина Кумачёва

Туспуктӥз Владимир Беломорских

Удмурт Дунне
By Удмурт Дунне 2 ноября, 2012 07:02
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<