Кельше… модалэсь кылён

Удмурт Дунне
By Удмурт Дунне 21 ноября, 2012 17:19
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Кельше… модалэсь кылён

 

Гожтэмын вакчи, пуштросэз мур

Светлана Широбокова, Воткаысь 1 номеро школаысь дышетӥсь:
— Ӟеч дышетскеме понна школаын кузьмазы Трофим Архиповлэсь «У реки Лудзинки» книгазэ. Со мынам яратоно книгае луиз. Кылбурчиос пӧлысь тужгес но кельшо Олег Поскрёбышев но Флор Васильев. Ӟуч классикъёс пӧлысь яратӥсько Александр Купринэз но Иван Бунинэз. Кунгож сьӧрысь авторъёсты пусъёно ке, сюлэмме тужгес  бугыртӥз Америкаысь нылкышно писательлэн Колин Маккалаулэн «Поющие в терновнике» сагаез.

Покчи классъёсты дышетӥсько бере, яратӥсько выжыкылъёсты, уката ик удмурт калыкен кылдытэмъёссэ. Нылпиосты одно ик  тодматӥсько «Пислэг но тури» вакчи гинэ выжыкылэн —  солэн пуштросэз туж мур.

Сюлэмме бугыртӥз крезь

Валентина Черыгова, Воткаысь 1 номеро школаысь дышетӥсь:
— Яратыса лыдӟисько удмурт писательёслэсь книгаоссэс. Нимысьтыз пусйысал Кузебай Гердэз но Верещагинэз. Григорий Верещагинлэсь 19-тӥ дауре гожтэм текстъёссэ пыртӥ школаын дышетскись нылпиослы дасям «Родной земли просторы» книгаям. Вашкала даурысь гожъямъёс со вакытэз ӟечгес возьмато,  тупатъяса дасямъёсыз сярысь.

Студент дыръям бадӟым пытьы кельтӥз Роман Валишинэн пумиськон: верамъёсыз но гожъямъёсыз юрттӥзы улонлэсь чебер палзэ адӟыны. Берло лыдӟемъёсы пӧлысь Василий Ванюшевлэн «Дорвыжы» эпосэз мылкыдме вырӟытӥз. Али сое котькуд нунал сямен лыдӟисько.

Котькуд аре февраль толэзе Воткаын ортчытӥськом «Жингырты, удмурт кырӟан» фестиваль. Городамы тужгес усто крезьёс дасяло, соин шудон но паськыт вӧлмемын. Удмуртъёслэн вашкала историзы но та инструментэн герӟаськемын. Соин фестивальмес «Дорвыжы» эпосэн герӟаны чакласьком.

Выжыкыл эшъяськытэ инкуазен

Надежда Синявская, Воткаысь 5 номеро нылпи библиотекаын ужась:
— Яратоно писательёсы трос. Туала вакытэ модной ӧвӧл ке но, туж кельше кылбурчи Роберт Рождественский, улэме уг луы Вероника Тушновалэн кылбуръёсызтэк. Яратыса лыдӟисько нылпи литератураез, пиналъёслы но ӵектӥсько тужгес тунсыкооссэ.

Туж кельше Эстониысь писательлэн Эно Раудлэн «Муфта, Полботинка и Меховая Борода» выжыкыл-повестез — гномъёслы кельшись накситролльёслэн пӧртэм учыръёссы сярысь. Соос дышето котырысь улонэз, инкуазез утьыны. Озьы ик яратӥсько Финляндиысь нылкышно писательлэсь Туве Янссонлэсь муми-тролльёслэн семьязы сярысь выжыкылъёсты.

Удмурт Дунне
By Удмурт Дунне 21 ноября, 2012 17:19
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<