Джазэн кудӟон

Удмурт Дунне
By Удмурт Дунне 13 ноября, 2012 11:05
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Джазэн кудӟон

Таяз арня пумын Ижын нош ик чузъяськоз джаз крезьгур. Огдышем сямен сӥзьыл шаерамы ортче калыккуспо джаз фестиваль. Туэ со 12-тӥзэ радъяськоз ини. Удмуртиысь учкисьёсты шумпоттозы  быдэс дуннелы тодмо кизилиос.   

Культурая, печатья но иворъёсъя министр Дмитрий Иванов пусйиз: туж умой, шаерамы джаз фестиваль улӟиз шуыса. Удмуртиын улӥсьёслэн нош ик луонлыксы вань та паймымон крезьгурен эшъяськыны но дуннеысь джаз артистъёсты учкыны. Та фестивальлэн программаез  тунсыко. Кылсярысь,  вуоз  «The Shin» грузин группа. Соос Россиын но кунгож сьӧрын туж тодмо. Асьсэлэн верамзыя, та пиос шудо ибер-кавказ джазэз.

— Мон дэмласал джазэн «висисьтэм» муртъёслы но одӥг-ог таӵе концертъёсы ветлыны. Огпол учкиды ке, тӥляд отчы нош вуэмды потоз. Кылсярысь, тани та группа мудрон концертъёс сётъя. Отын куспазы пќлэстӥсько грузин фольклор но джаз, вашкала но туала Европаын чузъяськись крезьгур, музыкантъёслэн ӟырдыт мылкыдзы но аспӧртэм аранжировкаос. Та фестивале ик вуозы пианист Яков Окунь но Америкаысь джаз кырӟась Дебора Браун. Та артистка 11 альбом гожтӥз, дуннеысь 50 странаосын кырӟаз. Яков но Дебора ӵошен сюлэсь уно концертъёс сётӥзы. 16-тӥ шуркынмонэ соос нош ик Ижысь калыкез шулдыртозы, — шуэ Дмитрий Иванов.

Та фестивале ик лыктозы Сергей Жилин «Фонограф-Джаз-Квартетэныз» но кырӟась Светлана Артемьева. С. Жилинлэсь «Джазэн кудӟон» программазэ тодӥсьтэмез ӧвӧл, дыр. Крезьгурчи «изоз» пӧртэм жанръёсты: блюзэз, регтаймез, страйдэз. Но та крезьгур, аспӧртэм  но туала сямен чузъяськем сяна, ваньмызлы валамон луоз.

Галина Семёнова

Удмурт Дунне
By Удмурт Дунне 13 ноября, 2012 11:05