Электрон черодъёс. Узырлык понна выт

Удмурт Дунне
By Удмурт Дунне 27 ноября, 2012 06:13

Электрон черодъёс. Узырлык понна выт

Огъя вотэсэ!
Матысь аръёсы калык мед мозмытскоз документъёсын пӧртэм учреждениостӥ бызьылонлэсь — таӵе ужпум пукто азязы город Думаысь депутатъёс.
Таин сэрен ик юнматӥзы 2013-тӥ — 2017-тӥ аръёслы чаклам нимысьтыз программа. Городысь вань ведомствоос одӥг вотэсэ пыртэмын луозы. Куд-ог документъёсты люканы луоз, дорысь потатэк но.
Куд-ог огазеяськонъёс, учреждениос сое вазенгес ик кутыны кутскизы ни. Кылсярысь, Ижысь нылпи садэ путёвкалы черодэ дорысен султыны луэ, куд-ог больницаосын ужало электрон черодъёс. Нош лыдпусъёс возьмато: калыклы уката кельше паспортъя но визая службае вотэс пыр йыгаськылыны.

Узырлык понна выт

Город Думаысь депутатъёс ваньбурлы но музъемлы вытъёсты эскеризы.
Пусйыны кулэ, соос берло куать ар ӵоже ӧз вошъяське ни вал.
Соку ик вералом: городын улӥсьёс пӧлысь бадӟым люкетэз воштӥськонъёсты вуоно арысен но уз шӧдэ: вытъёслэн быдӟалазы ӧз воштӥськы. Шуом, 300 сюрс манетозь дунъям сэрегъёслэн кузёоссы 0,1 процентсэ, 500 сюрс манетозь — 0,15 процентсэ но 2 миллион манетозь — 0,31 процентсэ тыроно луозы. (Лыдэ басьтӥсько инвентаризационной дунъёс, басьтон-вузан дунъёслэсь соос ог 3 поллы ичигес).
Вылез: нимысьтыз выт тупатэмын 2 миллион манетлэсь дуногес квартираослэн кузёоссылы. Соос 0,5 процентъем налог тыроно луозы.
Кызьы вераз город администрацилэн йырызлэн воштӥсез Дмитрий Космин, шоркарын 78 таӵе квартира. Эшшо кӧняезлэн ке дуныз 4 миллион манетлэсь ортче.
— Бен, одӥг мурт вылын ик кӧня ке квартира гожтэмын ке, со квадрат метръёс огазеяса чотаськозы. Дунзы 2 миллион манетлэсь ортче ке, кузё озьы ик выт тыроно луоз, — пусйиз кивалтӥсь.
Ваньбурлы выт тыронлэсь мозмытэмын анай-атайтэк будӥсь нылпиос, 18 арес тырмытозязы, трос нылпи будэтӥсь, ёрмыса улӥсь семьяос, пенсионеръёс.

 Элина Васильева

Удмурт Дунне
By Удмурт Дунне 27 ноября, 2012 06:13
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<