Инвалидъёс сярысь

Удмурт Дунне
By Удмурт Дунне Ноябрь 30, 2012 16:07
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Инвалидъёс сярысь

Инвалидъёс сярысь сюлмаськыса, 2011-тӥ-2012-тӥ аръёслы республикаямы кутэмын «Доступная среда» программа. Соя луонлыкъёс усьтӥсько ветлыны быгатӥсьтэмъёслы калыке потыны.

«Россия Федерациысь инвалидъёслы социальной юрттэт сётон сярысь» законъя ветлыны быгатӥсьтэм но коляскаен ветлӥсь инвалидъёслы эмъяськон, культура, спорт, социальной юрттэт сётӥсь учреждениос но вуз каронъя бадӟым юртъёс вӧзы машина пуктон инты нимысьтыз висъяно. Дугдылон интыос тодмостэмын нимаз пусэн. Отчы автомобильзэ пуктыны быгатэ руль сьӧрын пукись инвалид  яке сое нуллӥсь мурт. Нош улонын воксё мукет сямен луэ.

Россиысь Пенсиосъя фондлэн Удмурт ёзэзлэн управлениезлэн  Ижысь Карл Маркс урамысь юртэз азьын инвалидъёс понна кык машина пуктон инты висъямын. Редакцимы вӧзаз ик интыяськемын бере, котькуд нунал син шоры йӧто отын сылӥсь крутой машинаос. Огшорыосыз водительёс штраф улэ шедёнлэсь кышкалогес ик, лэся.

Россия Федерациысь «Административной правонарушениосъя 5.43 но 19.12 статьяосы воштонъёс пыртон сярысь» 2011-тӥ арын 17-тӥ июне кутэм законодательствоя инвалидъёслэн интыязы транспортэз пуктэм понна штрафъёс 25 поллы йыло. Коньдон тыронлэн быдӟалаез 300 манетысен 500-озь вал ке, 3 сюрс манетысен 5 сюрсозь луиз. Штрафлэн быдӟалаез  но, машинаез эвакуаторен нуон но та вакытэ автомобилистъёсты уг кышкаты.

Ижысь коляскаен ветлӥсь инвалидъёслэн «БЛАГО» огазеяськонзылэн кивалтӥсез Сергей Меркурьев маде:
— Куинь нунал талэсь азьло Ломоносов урамысь Калыкез улон-вылонын утёнъя министерствое вуылӥ. Коляскаын пукисько бере, машинатэк нокытчы ветлэме уг луы — ачим руль сьӧрын уг пукиськы. Министерство азьысь инвалидъёслы висъям кыказ ик интыын БМВ-ос сыло вал. Ярам, таяз учыре машинамес кыдёке пуктоно ӧз луы, лымы но трос усьымтэ, коляскаме валтыны быгатӥ.

Ньыль борддоръёс вискы пачкаса улэм уг поты, ужъя но отчы-татчы ветлоно. Та ласянь шуг-секытъёс уката ик толалтэ кылдо. Инвалидъёс понна машина пуктон инты висъямын ӧвӧл яке со пыронлы кыдёкын, отын мукет машинаос сыло — коляскаез лымыетӥ уд поты. Одӥгез умой ни, бадӟым магазинъёс но куд-ог учреждениос азе машина пуктылон интыос висъянъя куронмес Ижевск город администрация улонэ пыӵатон борды басьтӥськиз. Оло, автомобилистъёс но калленэн визьмаськозы?
Возьытсэс возь вылэ ыштэмъёслэсь визьмаськемзэс кема возьмалод на. Гужемозь но кыдёкын ай. Соку инвалидъёслэн огазеяськонзы Ижевскысь ГАИ-ен ӵош рейдэ потыны малпало: чаклалозы машиназэс инвалидъёслэн интыосазы пуктылӥсьёсты. Ярам, Россиысь автомобилистъёслэн огазеяськонзы ашкынэм водительёсты Интернетын «Возьыттэмъёслэн досказы» пыр ӵушканэн кышкатъяське.

Лия Малых

Туспуктӥз Владимир Беломорских

Удмурт Дунне
By Удмурт Дунне Ноябрь 30, 2012 16:07
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<