Фин-угор мильым ӧз комъяськы!

Удмурт Дунне
By Удмурт Дунне 13 ноября, 2012 11:30
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Фин-угор мильым ӧз комъяськы!

Сцена вылын поръёс

Ижын улӥсь фин-угор выжыысь калыкъёс ортчытӥзы фестиваль. Поръёс, мордваос, удмуртъёс, бесерманъёс, огазе кариськыса, кырӟазы-эктӥзы, шумпотонъёссэс веразы, сюлмаськытӥсь ужпумъёссэс сэрттӥзы.

Фестивальлы кутскон сётӥз шоркарамы улӥсь поръёслэн «Ижевск мари» огазеяськонзы. Та ужрадлы проектэныз со пыриськиз Иж город администрацилэн социальной проектъёслы  радъям конкурсаз. Вормисьёс радэ шедиз.

Поръёс ӝегаса ӧз улэ, малпанъёссэс улонэ пыӵатӥзы ни.
— Фестивале пыриськыны мылкыд карисьёс тырмыт люкаськизы, — шуэ «Ижевск марилэн» кивалтӥсез Николай Ямаков. — Ӟуч культурая центрлэн залаз пукон интыос ӧз тырме. Тужгес пичиезлы артистмылы Лиза Алексеевалы 7 арес вал. ӧжыт ӧй вал мӧйы коллективъёс но. Куное вуылӥзы Балезино ёросысь Юндаын улӥсь бесерманъёс но — отысь «Юнды-шунды» коллектив паймытӥз чебер кырӟаны-эктыны быгатэменыз.

Ужрадэ пыриськем вань огазеяськонъёс асьсэ сярысь веранъёс-экспозициос дасяллям, киужъёс вайиллям.
Кызьы пусъе Николай Ямаков, нырысетӥ мильымзы ӧз комъяськы. Со берпуметӥез но уз луы. Вуоноез, пе, пумиськон сӥземын луоз калык сямъёслы но йылолъёслы.

Элина Кумачёва

 

 

Удмурт Дунне
By Удмурт Дунне 13 ноября, 2012 11:30