Ӟучомись удмурт журналлы дышыны уг луы

Удмурт Дунне
By Удмурт Дунне 22 ноября, 2012 16:48
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Ӟучомись удмурт журналлы дышыны уг луы

«Инвожо» журналлэн коньывуонэ потэм номерез кылбуретэн узыр: Ижын ортчись «Брезент кеттык» кылбур лыдӟонъёсын тодмо луэм егитъёс печатласькизы. Егит ӟуч поэтлэн Андрей Гоголевлэн тыршемезъя, лыдӟонъёс Ижлэн лулчеберет улоназ пыӵазы ини. Жаль, журналын Андрей та ӝытъёс сярысь пусйымтэ. Мукетыз автор, Марина Кацуба, Петербургын кылбур лыдӟонъёсты радъя — Андрей Гоголев сямен ик уйпал шоркарысь кылбурет улонэз валтэ.

Пётр Захаров туала дунне литератураез удмурт кылэ берыктон ужзэ азьланьтэ. Таяз номерын печатламын украин кылбурчиослэн Сергей но Татьяна Дзюбалосэн вакчиесь афоризм выллем кылбуръёссы. Ӟуч кылэ но удмурт кылэ берыктэмъёсыз артэ сыло, удмурт лыдӟись соосты ӵошатыны, берыктӥсьёслэсь малпанзэс эскерыны быгатэ.

Журналын потэм мукет яркыт статья кылысь кылэ берыктонлы сӥземын. Профессор В.К. Кельмаков аслаз ужаз Ашальчи Окилэсь ӟуч кылын потэм веросъёссэ эскере. Со жаляса вера, «Та буртчин синъёсыд = Эти шёлковые строчки» книгаысь веросъёсты берыктӥсь Лидия Нянькина шекъёс кельтэм: куд-ог интыосын удмурт веросысь яркытэсь суредъёс ӟуч кылын конспект выллем вакчиятыса сётэмын. Мукет учыре Л. Нянькина 20-тӥ аръёсысь крестьян улонлы саклык уг висъя. Тодосчи пӧртэм примеръёс вылын ӟуч берыктэмлэсь ляб интыоссэ возьматэ. Берыктӥсьлы ассэ но, лыдӟисез но гажано, шуэ В. Кельмаков. Котькуд интеллектуальной ужен вырись муртлы лэсьтэм ужез понна кыл кутоно. Тодосчи «Удмурт дунне» газетэз куаретэ: выль книгаез рекламировать гинэ карыны уг яра, пӧртэм ласянь дунъет сётоно. Кемалась ӧвӧл «ИнГОЖ» приложениын Ольга Вахитова венгер классиклэcь Дэже Костоланилэсь веросъёссэ удмурт кылэ берыктэмлэн ӟечлыкез пумысен статья поттӥз. Соя пуромем вераськонэз Фейсбукысь лыдӟыны быгатӥськоды. Куд-огез куатаське, лэсьтэм ужез дунъямтэ понна мылкыдыз усе. Котькудӥзлэн — критиклэн но, авторлэн но — аслаз зэмлыкез.

«Инвожо» журналын ӟуч текстъёс пӧлын куд-ог удмурт кылын гожтэмез но пумиськылэ: Ольга Ведровалэн кылбуръёсыз, «Удмурт дунне» газетын ужасьлэн Елена Вахрушевалэн легендалы тупась веросэз. Со туж ӧжыт. Егитъёслы чаклам журнал азьвыл аръёсы сямен ик литературалы сӥзем материалъёс поттэ бере, малпасько, редакцилы удмурт гожъясез будэтон уж сярысь сюлмаськемысь дугдоно ӧвӧл!

Лариса Дмитриева 

Удмурт Дунне
By Удмурт Дунне 22 ноября, 2012 16:48
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<