Даурзэ сӥзиз нылпиослы

Удмурт Дунне
By Удмурт Дунне 13 ноября, 2012 12:40
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Даурзэ сӥзиз нылпиослы

E. Корепанова

10-тӥ ноябре улонысь кошкиз СССР-ысь калык дышетӥсь, Удмурт Республикалэн дано адямиез Екатерина Митрофановна Корепанова.

Е. Корепанова вордскиз 1931-тӥ арын 1-тӥ декабре Балезино ёросысь Рассвет гуртын. Пичиысен ас вылаз шӧдӥз секыт крестьян ужез. 1955-тӥ арын йылпумъяз Ижысь пединститутысь физикая но математикая факультетэз. Дышетӥсьлэсь сюрессэ мытӥз Глазов ёросысь Почаш школаын, собере 30 арлэсь ятыр кивалтӥз Балезино ёросысь Кожиль школаен.

Нылпиослы предметъя ӟечесь тодон-валанъёс сётэм сяна, вордскем шаермес яратон, татын улӥсь пӧртэм калыкъёслэсь сямъёссэс но йылолъёссэс гажан мылкыд пыӵатӥз. Е. Корепанова визьноданэ быгатыса кыскылӥз анай-атайёсты, общественной огазеяськонъёсты. Солэн кичӧлтэмез улсын пиналъёсты будэтон уже мыло-кыдо пыриськылӥзы предприятиосысь но огазеяськонъёсысь нылкышно кенешъёс. Со сюлмаськемен, школа улонэ пыӵазы нылпиосты дышетонъя, тазалыксэс утёнъя, ваньмон дырзэс радъянъя выль амалъёс. Екатерина Митрофановна син азяз возиз егит дышетӥсьёсты, соослы будыны-кыданы юрттылӥз. Озьы пӧлысьтызы тросэз дышетон удысын сӥё-дано ужасьёс луизы.

Калыкез дышетон удысын кема но лулысь-сюлмысь тыршемез понна Е. Корепанова пусъемын Знак Почёта орденэн но медальёсын. Но тужгес дуно солы луиз дышетэм нылпиосызлэн, аспал муртъёсызлэн, ӵош ужась эшъёсызлэн яратэмзы, гажамзы.
Екатерина Митрофановна Корепанова 81 аресказ улонысь кошкемен валче матысь адямиосызлы но ӵыжы-выжыосызлы кайгыреммес вераськом.

Удмурт Республикалэн Президентэз,
Правительство,
Кун Кенеш.

Туспуктэмез: vpered-balezino.ru

 

Удмурт Дунне
By Удмурт Дунне 13 ноября, 2012 12:40
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<