Аналтэм бусыос улӟо

Удмурт Дунне
By Удмурт Дунне Ноябрь 2, 2012 07:42
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Аналтэм бусыос улӟо

Туэ шаерысьтымы Данъян пул вылэ пыртэмын Кез ёросысь «Степаненки» СПК.

Степаненки гурт ёрос центрлэсь 52 иськемлы палэнын сылэ. 80-тӥ аръёсы 26 гуртъёсын ӵош со пыре вал «Саватятский» совхозэ. Удмуртиын солэн кадь бадӟымесь бусыосыз, возьёсыз но нюлэсъёсыз нокыӵе мукет хозяйстволэн ӧй вал.
90-тӥ аръёсы ваньмыз куашканы ӧдъяз. Пичи гуртъёс, пудо гидъёс быризы, гыроно-кизёно бусыос аналтэмын вал. Югдур пӧртэм ӧй вал Степаненки палъёсын но.

2000-тӥ арысен гинэ умой пала воштӥськонъёс кутскизы. «Саватятский» совхоз интые кылдӥз «Степаненки» СПК. Озьы та хозяйство быдэс республикаын тодмо луиз.
— Нырысь ик музъемез утёно вал. Дасо аръёс ӵоже бусыосын жуг-жаг турынъёс, писпуос будыны кутскизы, — тодаз вае СПК-лэн кузёез Фёдор Першин. — Будэтӥм пудо уллёмес. Ӟеч выжы скалъёс басьтыса, йӧл поттонмы трослы йылӥз.
Хозяйствоысь валтӥсь инженер Андрей Бузмаков вера:

— Аналтэм бусыосты улӟытон понна 2008-тӥ арын кӧня ке тракторъёсын механизаторъёсты ысъяллямы кыдёкысь бусыосы. Отын соос нуналъёсын ужаллязы, кӧланы но отчы ик кыльылӥзы. Нырысь писпуосты коразы, выжыоссэ порылӥзы. Собере гыризы- кизизы. Вуоно гужемаз ӟеч урожай басьтӥм ини.

«Степаненки» Кез ёросын кужмоез хозяйство луиз. Кылем арын котькуд скаллэсь 5 сюрс килограмм йӧл кыскизы. Туэ 9 толэзь ӵоже ёросын ваньзэсты азьпалтӥзы огъя йӧл поттэменызы — 132 тонна. Котькуд скаллэсь кыскемын ни 4 сюрс 41 килограмм йӧл.

Туэ ю куасьтон комплексъёсын ужась операторъёс пӧлын ёросын нырысетӥ инты басьтӥз та эштосысь О. Бывальцев, нош пудо вордӥсьлы С. Макаровлы но огшоры ужасьлы А. Першинлы сётэмын Россиысь Гурт хозяйствоя министерстволэн Таукаронэз.

Иван Аркашев

туспуктэмез: zvezda-kez.ru

Удмурт Дунне
By Удмурт Дунне Ноябрь 2, 2012 07:42
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<