Ӝужазы юртъёс!

Удмурт Дунне
By Удмурт Дунне 11 октября, 2012 14:52
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Ӝужазы юртъёс!

Матысь дыре эшшо 300 егит семья выжоз чебер, югыт квартираосы. Ижысь Ильфат Закиров урамысь но «Полесье» пичи районысь кык юрт пуктӥськиз «Улон инты — егит семьяослы» программа улсын.

Коркаосты сӥё-дано усьтонэ пыриськиз Президент А. Волков.

— Асьмелэн ваньмыз пӧрмиз! — вазиськиз со корка пырон лэсьтыны дасяськись семьяослы.

«Улон инты — егит семьяослы» программалы луыса шаерамы 49-тӥез но 50-тӥез юрт дась луиз ни. Та уж куинь ар талэсь азьло туж секытэн мытэмын вал. Нырысетӥез юрт ӝужаз Ильфат Закировлэн урамаз ик. Соку отчы пырыны дась луись 200 семья мырдэм-мырдэм люкаськиз.

Нош туннэ нуналлы 5 сюрслэсь ятыр егитъёс улон интызэс паськытатыны пӧрмытӥзы. Вуоно арын программа азинтӥськоз — эшшо 1 сюрс семья отчы пыриськыны быгатоз.

Улон юртъёс борды соку ик пуктӥсько дышетон, эмъян, культурая но мукет учреждениос. Озьы Ильфат Закировлэн урамаз та нуналъёсы гинэ ӧсъёссэ усьтӥз 220 интыем нылпи сад. 3 этажъем юртын ваньмыз туала куронъёслы тупа: шудон, кӧлан комнатаос вӧл-вӧлэсь. Вань актовой но спортзалъёс. Нылпи садэз усьтыку, Президент эшшо 50 сюрс манет кузьмаз шудонъёс басьтыны.

Вуоно арын нылпи сад лэсьтыны кутскозы «Полесье» пичи районын но. Удмуртия ас азяз бадӟым ужпум пуктэ: вуоно арын покчиослы учреждениосын ватсаса 3 сюрс 200 инты усьтоно на. 2016-тӥ арозь черодъёс, пе, мед бырозы 3 аресозь нылпиос пӧлын но.

Удмурт Дунне
By Удмурт Дунне 11 октября, 2012 14:52