Возьматы астэ!

Удмурт Дунне
By Удмурт Дунне 10 октября, 2012 11:03
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Возьматы астэ!

2011-тӥ арын премилэн номинантъёсыз пӧлы милям егит гожъяськисьмы  Елена Фёдорова (Сараматова) пыриз

Журналистика удысын Э. Батуев нимо премилы конкурсэ ужъёсты келян дыр нуйтӥське 15-тӥ ноябрёзь. Премиез сӥё-дано сётон радъяськоз вуоно арын январь толэзе республикаысьтымы «Прессалэн балэз» ужрад дыръя.

Эрик Батуев нимо калык премиез басьтыны быгато удмурт кылын гожъяськись журналистъёс, соос удмурт калыклэсь историзэ, культуразэ, сюлмаськытӥсь ужпумъёссэ возьмато ке. Со сяна, премия сётӥськыны быгатоз ӟуч кылын гожъяськись журналистлы но, аслаз ужъёсаз со удмурт калыклэсь культуразэ, историзэ, нуналмысь улонзэ возьматэ ке.

Премия фондлэн быдӟа­лаез — 20 сюрс манет. Комиссия сое кӧня ке мурт вискын люкыны быгатэ.
Вожвылъяськонэ пыриськон вылысь гожтоно дэмлан (ходатайство). Сыӵе вазиськонэн потыны быгатозы газетъёслэн но журналъёслэн редакциоссы, лыдӟисьёслэн нимынызы — издательёс яке мукет огазеяськонъёс, телерадиокомпаниос, творчествоя союзъёс но «Удмурт кенеш» ассоциацилэн ёзъёсыз.

Дэмлан вӧзы келяно на ужъёсты. Соос газет-журналъёсын печатламын яке теле-, радиоэфире потэмын мед луозы ар ӵоже (2011-тӥ арын 1-тӥ августысен 2012-тӥ арын 30-тӥ октябрёзь). Келям ужъёслэн но передачаослэн лыдзы витьлэсь трос медаз луы.

Анкетаын ивортоно на: нимтулэз (быдэсак), псевдонимез (вань ке), вордӥськем  арез но интыез, телефон номерез, электрон почтаез но ужан интыез.

Дэмланъёсты ыстоно таӵе адресъя: 426074, Ижевск, Октябрьлы 50 ар площадь, 15 номеро юрт, 213, 215 номеро кабинетъёс.

Юанъёсъя жингыртыны луоз таӵе телефонъя: 8 (3412) 68-53-29

Темалы тупась материалъёс:

Гожтэм кыл уг ӝуа

Удмурт Дунне
By Удмурт Дунне 10 октября, 2012 11:03